ISAI 5:13 - Bawm Common Language Bible Version

¹³ Churuangah rêngtlâk hâwi hen an kalpi ving lai. A nan rui natu chu buh ngei hen an thi lai le, mi zapi tla chu tîhâl hen an thi lai.

ISAI 5:13 ပူးပေါင်းရင်းမြစ်များ

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

THUFING LASUIBU 10:21

Mi ṭha thusim chu mi tam tak ṭhatnâk asi. Sikhawmsele na mâwlnâk ruangah na thah kho.

ISAI 1:3

Ran nih a dâwngpu a theih le, sanatung tla nih an dâwngpu nih râwl a pêk na mi mun an theih. Sikhawmsele ka mi Israel tla ngâk hen an theih dauh. Annih nih chun an theih lo thlo,” a ti.

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 23:9

LALPA Zeizawng tikho nih a ruat mi asi. An thilti lakah anna zûm mi dawnghtir ding leh an mi zahkâi tla nâutir a tum mi asi.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 3:1

Tuah Lalpa, LALPA Zeizawng tikho nih Jerusalem ah mi leh Juda lakah mi thil zawzawng leh mi zawzawng nih anna ngauhsannâk zawzawng a lâk ving awt.

ISAI 3:3

an râltuk kawrsen tla leh zapi minung ruitu tla, an mi thuthiam tla leh thil a hawng um ding mi theih ding hen dâwi mangtu tla a lâk ver na awt.

ISAI 44:19

Milem siamtu nih finghnâk leh theihnâk a nei lo le, “Thing zeimaw mi chu ka tih. Meiṭil tlûnah sang ka rêu le, meh tla ka em le, ka ei. Thing a dang a leifuan hen milem ka tuah. Hinah thing tantum sawnh hen ka buk!” a ti.

ISAI 49:21

Churawhchun, nangnih na thinlung ah ‘Âunih me ka rangah hi zawzawng fa an ring? Ka fa tla ka thlâu hep le, ka nei kho lo rawh mi kei tâ nih sal ah tâng hen nar hen ka um mi âunih hi zawng fa tla hi a châwm na? Keimah lâwng mâk hen ka um mi, hi bang fa tla hi zei thawk hen me an hawng?’ ” na ti lai

ISAI 65:13

Churuang chun hawng ka sawnhtu leh ka thu ngâitu tla nih chun ei ding tam tak an tawng lai le, sikhawmsele nannih lam chu sungvâng leh tîhâl hen nan um lai ti ka nan simh na. Annih chu anna lâwm lai le, sikhawmsele nannih lam chu nan ning a zak lai.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

JEREMIA 14:3

Minei tla nih an to-aw tla tî than ding hen an fial na le; tipang leiah an va kal le, sikhawmsele tî an tawng lo; an bêl karo hen an kîr nawlh. Lungdawng leh thinlung nawk hen an mêl an thuh.

JEREMIA 8:7

Lili âr men nih kîr tik a theih; vaṭhu, thlâkâwi, thrush tla khawm nih ṭiau tik an theih. Sikhawmsele, ka mi tla, nannih nih lâi kan rêl piak na dân nan theih lo.

LUNGFÂKNÂK 4:9

Râltuknâk ah thi mi chu, a nehnûnah sungvâng hen âukhawm buh pêktu umlo hen, tuar kho lo rawh ruangah thi mi ngâk hen a ṭha dauh.

EZEKIEL 7:12

A tik a tlung rawh. Mikip tlûnah bang khap hen Pathian rêpnâk a tlung awt ruangah châwk leh zuarnâk duan dân a um awtlo ding mi ni a nâi rawh.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

AMOS 8:13

Chu ni ah chun nungâk leh tlangvâl ṭhisel tak men tîhâl ruangah an tlû lai.

LUK 19:44

Na dâwngsung lakah na fa tla, nangmah hen tual ah an lawnh chiam lai; na sungah lung chuanh mi rerêng an zuah lai lo; a nan veh liau na theih lo ruangah chu hâwi ni tla chu na tlûnah a hawng tlung teh lai,” ti hen.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

2 PETER 3:5

Pathian thu hen tuan liau vân tla a hawng um le, tual khawm tî thawk hen siam asi.