ISAI 5:10 - Bawm Common Language Bible Version

¹⁰ Grep zûn acre ngâ mun lakah uain gallon nga cho tawng asi lai. Fâng chî kilogram zâ leh sâwmriat nih fâng kilogram leiriat cho a suah lai,” a ti.

ISAI 5:10 ပူးပေါင်းရင်းမြစ်များ

EXODUS 37:22

Chu a kukulul, a ṭeng, a meichêu chu ngûn sakhat ver hen siam mi asi.

ISAI 32:13

ka mi le tla ram ah bua leh lingnei a hawng kho rawh ruangah ngaihsia hen nan thin makâ chumh u. Mi zapi tla lâwptlonâk in zawzawng leh nuamnâk hen a khat mi khuapi ruangah ṭap u.

ISAI 7:23

“Chu chu a hawng tlung tikah, grep zûn a ṭha mi ṭeng kip nih ṭeng sâng a suah mi, tangka man chiau chu ling leh bua nih a khuh pang lai.

JEREMIA 48:33

Moab ram ningno mi lawmhnâk leh lâwptlonâk chu lâk ving hen a um rawh. Uain sûrnâk ah mi a hâng a luang mi khawm ka bângtir le; uain siamtu leh lâwm ruangah âutu khawm a um lo.

JOEL 1:17

Tual châr lakah thlâi chî chu a thi rawh. Fâng pumh ding zeikhawm a um lo rawh. Churuangah fângbâwk tla a karo hen a um le, â râwk ver rawh.

LEVITICUS 26:26

Nan buh tawngnâk lampi ka sah lai, nunau parâ nih sang zawzawng hût ding hen bêl pakhat cho a herh lai. Chu lakah mi chu an hawng ṭhen lai le, nan ei thluh ver nûn khawm ah nan sungvangh chu a mahmun nget lai.

LEVITICUS 27:16

Mi nih a mun LALPA sinah a ap chun, a man chu a fachî lût zat hâwi hen ruat ding asi, fâng kilogramme kul lakah tangka râ dân asi lai.

HAGAI LASUIBU 1:6

Tamtak nan tuh le, a ât tikah tâwmtê cho nan tawng, buh ei ding chu nan nei, sikhawmsele nan khawp tâwk lo. Uain din ding nan nei le, sikhawmsele rî rê ding nan tawng lo! Nipuan chu nan nei, sikhawmsele lum khawp rang ding nan nei lo. Rianṭuantu tla khawm nih nung khawp ding hen an lawh kho lo.

HAGAI LASUIBU 2:16

fâng pawng kilogramme zanih tawng ding lungum hen nan kal le, sikhawmsele zâ cho a um; uain siahnâk mun a mi litre zâ va than ding hen nan va kal le, sikhawmsele sâwmli cho nan tawng.

DEUTERONOMY 28:38

“Chî tam tak nan tuh lai le, tâwmtê ko nan zûn lai, khâubawk tla nih nan thlâi chîng an ei awt ruangah.

DEUTERONOMY 28:39

Grep dûm nan siam lai le, nan kurî lai, sikhawmsele a rah nan ei lai lo, a hâng khawm nan din lai lo, tholung nih a zûn a ei awt ruangah.