ISAI 49:4 - Bawm Common Language Bible Version

⁴ “Ka ṭuan le, sikhawmsele, lungum a kâi lo chiam e! Ka chaknâk ka mang le, sikhawmsele zeikhawm â lîm lo,” ka ti. LALPA nih ka thilti lakah lâwmman hawng ka pêk lai.

ISAI 49:4 ပူးပေါင်းရင်းမြစ်များ

1 Lal 19:10

Anih nih a sâng le, “LALPA, Pathian zeizawng tikho, nangmah nâwl cho ka nan zulh. Sikhawmsele na mi Israel tla nih an sinah thudân na tuk mi an buar le, na mâichâm tla an siat, na khuavâng zawzawng an thah, keimah lâwng ka âwl, kei khawm thah an ka tum!” a ti.

THUFING LASUIBU 29:26

Mikip nih lâirêltu duhkâng hen um an duh le, sikhawmsele, Pathian sin cho ah repnâk chu na tawng kho.

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 40:10

LALPA zahkâi chu a thiltikhonâk hen lâirêl ding hen a hawng kal le, ruang a suah na mi minung tla a sinah a hawngpi na.

ISAI 40:27

Israel, chu hâwi mi lakah zei rangah LALPA nih na lawksawngnâk a theih lo mi hâwi hen leh na tuar liauah an zauhkhenh lo mi hâwi hen na vûirâm.

ISAI 57:21

“Misual tla rangah himnâk rêng a um lo,” LALPA nih a ti.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 62:11

LALPA nih laikulh pumpi ah thu a sim mi chu Phun tla nih theih kho ding hen: “LALPA chu ruang a nan suah na ding hen a hawng le, Ruang a suah na mi tla a hawngpi na mi Jerusalem mi tla chu simh na u,” ti hen.

ISAI 65:2

Ka mi tla, lungkhung tak hen thil diklo ti hen anmah duh dân hen umtu tla chu lâwmh na ding ka râlring kumza.

ISAI 65:23

An rianṭuan ah anna dingchang lai le, an fa le nih siat leh râwknâk an tawng lai lo. Tik a hawng um ding mi zawzawng lakah anmah leh an thlâk tla mal ka sâwm na lai.

EZEKIEL 3:19

Nangnih misual chu na simh hen a sual rim duh lo hen sual bû hen a thi chun, nang nungnâk lam chu zuah asi lai.

LEVITICUS 26:20

Hamh tak hen rian nan ṭuan mi chu zeikhawm asi lai lo, nan thlâi chîng khawm ti-râwl a suak lai lo, nan thingthei khawm a rah lai lo.

MATHAI 17:17

Chun, Jisu nih, “Tu san lungnâk nei lo leh simh har tla, zei tiang me nan sinah ka um lai le, zei tiang me ka nan sang kho na lai? Amah chu ka sinah hin hawngpi u,” a ti le, a sâng.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

LUK 24:26

Mesia nih chubang thil chu tuar hen a rokualnâk ah a lût ding rêng asi lo mazei?” a ti.

JOHAN 1:11

Amah ram ah a hawng kal le, amah mi tla nih an duh lo.

ROM 10:21

Sikhawmsele, Israel mi tla thu lakah chun, “Mi ê-aw ngâilo leh hel mang tla rangah nî tlâk hen anmah lawmh duh hen ka bân ka phar tâwn kha,” a ti.

2 KORIN 12:15

Chun kei lam nih chun nan thlarau rangah lâwm tak hen ka mang dih lai le, mang dih hep hen ka um lai. A leiluat hen ka nan zângfah na ruang khan; kei nih zângfahnâk tâwm dauh ka tawng phah asi mu?

2 KORIN 2:15

Ruangsuah liau chir mi tla leh a vei liau chir mi tla rangah chun Pathian rangah Krist rimthâw kan si.

PHILIPI 2:16

chun, nabeibâng hen ṭuan khawm kasi lo ruangah Krist ni ah chun putso ding ka nei kho lai.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.