ISAI 48:9 - Bawm Common Language Bible Version

⁹ “Mi nih ka min an sawr khonâk ding hen, ka thinthawknâk ka tleih le, ka sûm le, ka nan râwk na lai lo.

ISAI 48:9 ပူးပေါင်းရင်းမြစ်များ

SAM 106:8

A thilti rokual muhtir na ding hen a thutiam hâwi hen ruang a suah na.

SAM 143:11

LALPA, na thutiam hâwi hen ruang hawng ka suah le; na ṭhatnâk hen ka lawksawngnâk lakah mi hawng ka hum!

SAM 25:11

LALPA, ka sual tla a tam ruangah na thutiam ziatê hen hawng ka ngaihdam.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 79:9

Pathian, zah na kâinâk ruangah hawng kan ṭangpi le, ruang hawng kan suah; hawng kan hum le, kan sual tla hawng kan ngaihdam.

THUFING LASUIBU 19:11

Theihthiamnâk nei mi na si chun, na thinthawknâk ah na sûm kho lai. Mi âunih mawh diklo hen an ngaih liauah ngaihlo lêm thlâk piak chu mi fâifîm umdân asi.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 37:35

Hi khuapi hi keimah zahnâk ding leh ka to-aw David sinah thu ka tiamh mi ruangah ka vêng hen ka hum awt asi,” a ti.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 48:11

Ka ti mi chu keimah ruang ver asi, ka min chu zauhnawmh ding hen ka siang lai lo, rokualnâk khawm âu rang khawm ka tingtir na ding asi lo, ka tâ chu keimah rang cho asi,” a ti.

ISAI 65:8

LALPA nih, “Pakhat khawm nih grep ṭha tla an râwk lo, chu ngâk hen chu hen chun uain an siam. Ka mi tla chu ka veih hep na lai lo le, ka nâwl zulhtu tla chu ka hum na lai.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

EZEKIEL 20:14

Sikhawmsele Aigupta ram ah mi Israel tla ka suakpi na mi muhtu phun tla lakah ka thang a duai lai ka ti ruangah ka ti ding mi ka lêt.

EZEKIEL 20:22

Sikhawmsele, ka ti lo, Israel tla Aigupta ram thawk hen ka suakpi na mi muhtu phun tla lakah ka min a sia awt ruangah.

EZEKIEL 20:44

Keimah zah ka kâinâk ding ah thil ka ti tik chun, thilsual nan ti mi hâwi hen leh nan ṭhatlo zia hâwi hen kan ti na lo ruangah, nannih Israel mi tla nih kei, LALPA kasi zia nan theih lai rawh,” a ti. LALPA Zahkâi nih a sim asi.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

EZEKIEL 36:21

Israel tla nih an kalnâk kip ah ka min thenhlimh an mualphotir ruangah ka lung an fâktir.

JOSUA 7:9

Kanaan mi leh ram lakah mi tla nih hi thu hi an theih lai le, hawng kan kulh lai le, hawng kan thah hep ding ko rawh. Chu hâwi asi chun zah na kâinâk hi zeitin na hum kho zia lai ne?” a ti.

1 SAMUEL 12:22

LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.