ISAI 48:8 - Bawm Common Language Bible Version

⁸ Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

ISAI 48:8 ပူးပေါင်းရင်းမြစ်များ

SAM 40:6

Thil ap leh bâwlnâk na duh lo le; mâichâm tlûnah ran duah mawh sual veih ding hen bâwlnâk tla na ngiar lo; chu ngâk hen nangmah thu ngâi ding hen nâ na ka pêk.

SAM 51:5

Ka suak tîr thawk hen sual lakah ka um le; ka suak ni thawk hen sual lakah ka um.

SAM 58:3

Misual tla chu umdân diklo leikângah an kal le; an suaknâk thawk hen âwkrâwl thu an sim.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 46:8

“Nannih misual tla, hi hi theih u; ka thilti tla dawn u.

ISAI 47:11

Siatnâk na lakah a hawng tlung lai le, na dâwithiamnâk nih a kham kho lai lo. Mawhsareh hen na lakah siatnâk a hawng tlung lai le, chu siatnâk chu na dawn dahlo mi asi!

ISAI 48:4

Thîr chang tak leh dâr khauh tak hâwi hen nan lung a khung awt mi ka theih.

ISAI 48:7

Tu cho hin ka hawng tlung asi; a lânah thil hi hâwi a hawng um dahlo. Chu hâwi asi chun zeizawng theih hen nanna ruat lai.

ISAI 50:5

LALPA nih theihthiamnâk hawng ka pêk le, A lakah ka hel lo mawh kâng dang lei khawm ka hawitâk lo.

ISAI 57:4

Âu me nan nihsanh? Nannih âwkrâwl thusim tla âu me nan diriamh?

JEREMIA 3:20

Sikhawmsele, nupi zumhkâilo hâwi hen, ka lakah zumhkâilo hen na um. Kei, LALPA nih ka sim asi,” a ti.

JEREMIA 5:11

Israel leh Juda mi tla nih an hawng ka tleihtir tatak rawh. Kei, LALPA nih, ka sim asi,” a ti.

JEREMIA 5:21

Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

HOSEA 5:7

LALPA lakah zumh an kâi lo le; an fa tla khawm anih tâ an si lo. Churuangah tuah anmah leh an ram chu a vei sawm lai.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

HOSEA 7:9

phun dang tla lakah anna ngauh mi nih an chaknâk a veih ti an theih loh. An ni tla chu rêl hep asi le, sikhawmsele chu hâwi asi ti an theih lo nget rih.

MALAKI 2:11

Juda mi tla nih Pathian sinah mi thutiam an buar le, Jerusalem ah leh ram pumpi ah thil ṭihnungkâi an ti. LALPA nih a duh tak mi Biakin chu an nawmh. Ramdang pathian sawnhtu nunau hen anna umh.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

DEUTERONOMY 31:18

Chu tikah kei nih ka ṭangpi duh na awtlo rawh, thilsual ti hen pathian dang an ka sawnh tâk rawh ruangah.