ISAI 48:20 - Bawm Common Language Bible Version

²⁰ Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 48:20 ပူးပေါင်းရင်းမြစ်များ

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

Ezra lasuibu 2:1

Sal ah tâng mi tam tak nih Babulon ram chu mâk hen mah umnâk chiauah Juda leh Jerusalem ah an hawng kîr rawh. An dâwngsungkhur tla chu Nebukadnezar nih sal ah a put na mi thawk hen chunah chun an um ko.

SAM 126:1

LALPA nih Jerusalem leiah hawng kan kîrtir nawlh liau chun mang hâwi ko asi!

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 12:4

Mi zapi tla la sak ding mi ni a hawng tlung awt rawh, “LALPA sinah lâwmthu sim ule! A nan ṭangpi na ding hen kawh u! A thilti chu phun tla zawzawng simh ule, a rokual zia khawm simh na u!

ISAI 24:14

A thibang tla nih lâwm hen la an sak lai. Thlanglei mi tla nih LALPA rokual zia an sim lai.

ISAI 26:1

Juda ram ah mi zapi tla nih hi la hi an sak ni ding a tlung awt rawh: Kan khuapi chu a bir! Pathian amah tak nih kulh chu a vêng!

ISAI 42:10

LALPA sinah la thar sak u; laikulh zawzawng nih a sawrnâk la sak u! Tipi dung zawhtu tla, amah chu sawr u: Tipi ah thilsiam zawzawng tla, amah chu sawr u! Ram lât takah um mi tla, la sak u!

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 48:6

“A lânah thil um ding mi ka sim mi zawzawng kha tu chun a hawng um rawh; ka thu simkan chu a dik asi ti nan theihthiam ding asi rawh. Thil hawng um mi tla a lânah ka langh lo mi thil thar a hawng um ding mi tuah ka nan simh na lai.

ISAI 49:13

Vân tla, la sak u! Tual, lâwm hen âu rawh! Tlâng tla chu la sak hen hâu suah na seh! LALPA nih a mi tla chu thla a ngamh na lai le; a mi tla nih nganfâk an tuar mi chu a siherh na lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 51:14

Rêngtlâ mi tla chu sâwtlotê ah suah an si lai le; sâwt tak hen an dam lai le, tî-râwl an herh mi zawzawng an tawng lai.

ISAI 52:10

LALPA nih a thiltikhonâk thenhlimh a mang lai le; a mi tla ruang a suah na lai le, laikulh ah mi zawzawng nih an muh lai.

ISAI 52:11

Nannih Babulon kaltâktu tla, Biakin thuamthil zawzawng puttu tla, theih u! Khap mi thil tham lah ule; thenhlimh tak hen um ule, suak u.

ISAI 52:9

Nang, Jerusalem râwk hen um rawh mi, lâwm hen âu rawh! LALPA nih khuapi chu a hum hen a mi tla chu thla a ngamh na lai.

ISAI 62:11

LALPA nih laikulh pumpi ah thu a sim mi chu Phun tla nih theih kho ding hen: “LALPA chu ruang a nan suah na ding hen a hawng le, Ruang a suah na mi tla a hawngpi na mi Jerusalem mi tla chu simh na u,” ti hen.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 31:10

LALPA nih, “Phun tla, ka thu ngâi u, ka thu tla chu tiva kap lât takah va phuang u. Ka mi tla chu ka rektir phin na le, sikhawmsele ka pumh nawlh na lai le, dawrâpu nih a dawrâ rual a vêng na mi hâwi hen ka vêng na lai.

JEREMIA 31:11

Israel mi tla chu an tângnâk ah mi ka suah na le, phun chak tak lakah mi ruang ka suah na.

JEREMIA 31:21

Theihtirnâk siam le, lampi singsiah; na mâknâk ram ah lampi hâwl nawlh. Israel mi tla hawng kîr u, nan mâk mi khuapi tla ah nan in ah hawng tlung u.

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 50:28

(Babulon thawk hen a tek mi tla chu Jerusalem ah an hawng le, LALPA, kan Pathian nih Babulon mi tla nih a Biakin ah thil an ti mi ruangah lawhbâ a sam na mi thu an sim.)

JEREMIA 50:8

“Israel mi tla, Babulon mi tla thawk hen tek u! Ram mâk thlap u! Kaltâk masa chemnâk si seh!

JEREMIA 51:45

Israel mi tla, chunah mi chu tek u! Ka thinthawknâk fâk tak lakah mi him ding hen tek u.

JEREMIA 51:48

Mârlei thawk hen amah veihtu ding mi kut ah Babulon chu a tlû tikah tual tlûnah thil zawzawng leh vân ah mi tla lâwm hen an âu lai.

JEREMIA 51:6

Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

ZEKARIA 10:8

“Ka mi tla chu ka kawh na lai le, munkhat ah ka pumh na lai. Ruang ka suah na lai le, an um ding mi hâwi hen ka pungtir na lai.

ZEKARIA 2:10

LALPA nih, “Jerusalem mi tla! Nan sinah um ding hen ka hawng ruangah lâwm hen la sak u! ” a ti.

DEUTERONOMY 30:4

A lât chemnâk kâwlkil ah an rek na khawmsele, LALPA nan Pathian nih a nan pumh na hen an kîrpi nawlh na lai,

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 18:4

Chun, vân thawk hen aw-hâu dang nih a sim mi ka theih le, “Ka mi le tla, a sinah mi hawng suak u, a sualnâk lakah a tel lah u, a rêpnâk lak khawm ah nanna tel ding si lo.