ISAI 48:18 - Bawm Common Language Bible Version

¹⁸ “Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 48:18 ပူးပေါင်းရင်းမြစ်များ

SAM 119:165

Na dân thu duhtu tla nih chun himnâk rangtling anna ting le, annih rangah tlûktir khotu zeikhawm a um lo.

SAM 36:8

Na hawng kan pêk mi buh chu kan chenh le; na ṭhatnâk tiva mi na kan dintir.

ISAI 33:21

LALPA nih a rokualnâk hawng kan zauhtir lai. Tivapi tla leh tivatê kapah kan um lai le, sikhawmsele mêlma meilawng nih an zawh lai lo.

ISAI 42:24

Âunih me Israel chu râwktu tla sinah a pêk? Amah tlûnah thilsual kan ti mi LALPA tak asi! Um ding hawng kan duh mi dân hâwi hen kan um lo le, sîntirnâk hawng kan pêk mi khawm kan zûl lo.

ISAI 45:8

Vân thawk hen nehnâk chu ruah hâwi hen ka hawng fial lai le, ting ding hen tual chu â awng lai le, diknâk leh thawsuaknâk hen ka êntir lai. Kei, LALPA nih hi bang hi ka tlungtir awt,” a ti.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 61:11

A chî a keuh hen a hawng ṭhang tatak rawh chun, LALPA Zahkâi nih a mi tla ruang a suah na lai le, Phun zawzawng nih amah an sawr lai rawh.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

ISAI 66:12

LALPA nih, “Sul-le-lam tluangnâk sâwt tak nan lakah ka hawng tlungtir lai le; tiva a kang dahlo mi hâwi hen phun tla neihnâk chu ka hawng luangtir lai. Ngâksia a nu nih a zauhkhenh le, a bân hen a pawm le, a dâwt mi hâwi nan si lai.

HOSEA 10:12

Nan rangah ‘Tual thar nâwn ule, rêpnâk phun hen malsâwmnâk ât ule, ka sinah nanna pumpêknâk a lang lai. Kei, nan LALPA sinah nan hawng ding hen a tik a tlung rawh le, a hawng lai le, nan tlûnah malsâwmnâk ka nan tawih lai,’ ka ti.

AMOS 5:24

Chu ngâk hen, diknâk chu tiva hâwi hen luangtir ule, repnâk chu kang dahlo mi tiva hâwi hen umtir u.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

DEUTERONOMY 32:29

Zei ruangah neh hen kan um ti khawm an theih lo; zei thil me a hawng tlung ti khawm an theih kho lo.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.