ISAI 48:14 - Bawm Common Language Bible Version

¹⁴ “Nan ektê hen a pûm ule, ngâi u! Zei pathian khawm nih Babulon do ding hen ka thîm mi minung chu an simkan kho lo; Ti tir ding hen ka duh mi chu a ti lai.

ISAI 48:14 ပူးပေါင်းရင်းမြစ်များ

GENESIS 49:1

Jakob nih a fapa tla a kawh na le, “Ka mâika ah hawng a pûm ver u, mâilei ah thil a hawng um ding mi kan simh na lai:

GENESIS 49:2

“Jakob fa tla, hawng a pûm ule, Nan pa Israel thu ngâi u.

ISAI 13:19

Babulon chu lalram zawzawng lakah â dawh chem mi asi; a minung tla khawm anna zûm phah. Sikhawmsele Kei, LALPA nih Sodom leh Gomorah tlûnah ka ti mi hâwi hen Babulon chu ka nautir lai.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 41:22

Hawng ule, thil hawng um ding mi simkan u, churawhchun a hawng tlung tikah kan theih kho lai. A lânah thil a hawng um mi tla lâirêlnâk in ah simhfiang ule, a umzia zei asi hawng kan simhfiang u.

ISAI 43:9

Niknâk ah hawng ding hen phun tla kawh na u. An pathian tla lakah a zei mi nih mâilei thu simkanh kho? Tuah thil a hawng tlung mi hi an lakah âunih a simkan? Hi bang pathian tla hi an dik ti theih ding hen anmah theihpitu ah hawng put na seh, an thusim a dik ti birhtir ding hen.

ISAI 44:28

Kirus sinah, ‘Nang chu lâi hawng ka rêl piaktu na si lai ti ding ka nan duh mi chu na ti lai: Jerusalem sak nawlh ding hen leh Biakin lungphûm tla chu phûm ding hen thu na pêk lai,” a ti.

ISAI 44:7

Ka ti mi hâwi hen âunih ti kho lai? Tik dawmhnâk thawk hen a dawngh tiang hen thil a hawng um ding mi zawzawng âunih simkan kho?

ISAI 45:13

Keimah nih Kirus chu ka thiltum rangtlingtir leh diktir ding hen a thinlung ka thawktir mi asi. A kalnâk lampi ka dingtir lai. Anih nih ka khuapi Jerusalem a sak nawlh lai le, ka mi saltâng tla a suah na lai. Hi ti ding hen âukhawm nih an mang hen an nawh mi asi lo,” a ti. LALPA, Zeizawng tikho nih a sim asi.

JEREMIA 50:44

“Chakeibaknei thing mun thawk hen a hawng suak le, Jordan va dung zawh hen ram ningno leiah a kal mi hâwi asi. Kei LALPA, ka hawng kal lai le, Babulon mi tla an khuapi ah mi chu lâkkhatko ah ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

MARK 10:21

Chun, Jisu nih amah chu a zauh le, a zângfah le, a sinah, “Kâng khat na bat rih; kal le, na neih zawzawng zuar le, mipâm tla sinah pêk rawh, chun, vân ah ro na nei lai; chun hawng kal le, hawng ka zûl,” a ti.