ISAI 48:13 - Bawm Common Language Bible Version

¹³ Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

ISAI 48:13 ပူးပေါင်းရင်းမြစ်များ

JOB LASUIBU 37:18

Pathian nih vân a siam mi leh, thîr chang tak hâwi hen a siam mi lakah na ṭangpi kho ma?

SAM 102:25

A lân thawk hen tual chu na tuah le, nangmah kut tak hen vân chu na siam.

SAM 147:4

Ârfi tla chu an um zat ding a ruat le, pakhat khat hen an min a sak chiau na.

EXODUS 20:11

Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.

ISAI 40:12

Âunih tisumsumriat kutza kuar hen tah kho lai? Mawh âunih vân khi a kut hen tah kho lai? Âunih hâi lakah tual put kho hen mawh tlâng sâng leh tlâng tla khîng lakah khingh kho lai?

ISAI 40:21

Na theih lo na maw? A lân thawk hen an simh lo ma? Zei hâwi hen laikulh a hawng a dawmh ti na theih lo ma?

ISAI 40:22

Mi pakhat tual tlûn vândum pîn leiah a laltophah tlûnah to mi nih a siam mi asi, a tanglei ah minung tla chu zauh hen ngerhtê a metê mi tla hâwi an si. Vân chu puanzâr hâwi hen a pharh le, umnâk puanin hâwi hen.

ISAI 40:26

Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

ISAI 42:5

Pathian nih vân tla a siam le, a pharh; tual leh chu lakah um mi tla umdân ding a siam. Mi zawzawng sinah nungnâk leh thaw a pêk na. Tuah LALPA Pathian nih a to-aw sinah thu a sim le,

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

ISAI 45:18

LALPA nih vân tla a siam le, anih chu Pathian asi! Tual a tuah hen a siam le, um kumza ding hen bir tak hen a siam. A karo hen a siam lo, mi le tla umnâk mun ding ah a siam mi asi. “Kei, LALPA kasi, pathian dang a um lo,” titu chu amah asi.

ISAI 51:13

LALPA a nan siamtu vân pharhtu leh tual lungphûm phûmtu na philh rawh na maw? A nan veih ding hen a timhtuah mi leh a nan nehsawhtu thinrunhnâk ṭih kumza hen zei rangah na um? An thinthawknâk nih a nan tawngh kumza kho lai lo.

JEREMIA 51:15

LALPA nih a thiltikhonâk hen tual a siam le; a finghnâk hen laikulh a siam, vân tla a pharh.