ISAI 48:12 - Bawm Common Language Bible Version

¹² LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

ISAI 48:12 ပူးပေါင်းရင်းမြစ်များ

THUFING LASUIBU 7:24

Ka fapa tla, tuah ka thu ngâi u. Ka thusim lakah nan nâ dawnh u.

THUFING LASUIBU 8:32

“Tuah, tlangvâl tla, ka thu ngâi u. Thu ka sim mi hâwi hen ti ule, lâwptlo tak hen nan um lai.

ISAI 34:1

Phun zawzawng lakah mi tla, hawng u! Hawng a pûm ule, ngâi u. Tual leh a tlûnah um mi zawzawng hinah hawng ule, ngâi u.

ISAI 40:26

Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

ISAI 41:4

Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 43:11

“Keimah cho hi LALPA a nan hum kho natu chu kasi.

ISAI 44:1

LALPA nih, “Ka to-aw, Israel, Jakob thlâk ka mi thîm tla, tuah ngâi u.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 46:3

“Nannih Jakob thlâk ka mi tla lakah a thibang zawzawng tla, ka thu ngâi u. Na suak liau thawk hen ka nan kilkâwi.

ISAI 46:4

Kei, na Pathian kasi, na tar hen na sam pâr tiang ka nan zauhkhenh lai. Ka nan siam mi na si, ka nan zâuhkhenh lai; Ka nan ṭangpi lai le, ruang ka nan suah lai.

ISAI 49:1

Nannih ram lât takah um mi phun tla, Ka thu ngâi u! Ka suak lânah, LALPA nih a to-aw rangah hawng ka thîm ving rawh.

ISAI 51:1

LALPA nih, “Nannih ruangsuah duhtu leh ṭangpi ding duh hen ka sinah hawngtu tla ka thu ngâi u. Nan hawng suaknâk lungpi, a nan chawh na nâk kha dawn u.

ISAI 51:4

“Ka mi tla, ka thu ngâi ule, ka sim mi ngâi u: Phun tla rangah sîntirnâk ka pêk na le ka dân tla nih an rangah chêunâk a pêk lai.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

MATHAI 20:16

Chu hâwi hen madung chem tla chu masa chem an si teh lai, masa chem tla khawm chu madung chem an si teh lai,” a ti.

ROM 1:6

Chubang tla lakah chun nannih Rom khua ah um mi tla khawm Jisu Krist ah kawh mi tla nan si.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

1 KORIN 1:24

Sikhawmsele, Juda tla khawm si seh Greek tla khawm si seh, kawhmi tla rangah chun Krist chu Pathian thiltikhonâk leh Pathian finghnâk chu asi.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 22:13

Kei Alpha leh Omega, a masa chem leh a madung chem, a bul leh a dawng kasi,’’ a ti.