ISAI 48:11 - Bawm Common Language Bible Version

¹¹ Ka ti mi chu keimah ruang ver asi, ka min chu zauhnawmh ding hen ka siang lai lo, rokualnâk khawm âu rang khawm ka tingtir na ding asi lo, ka tâ chu keimah rang cho asi,” a ti.

ISAI 48:11 ပူးပေါင်းရင်းမြစ်များ

SAM 106:8

A thilti rokual muhtir na ding hen a thutiam hâwi hen ruang a suah na.

SAM 115:1

LALPA, kanmah sin silo hen nangmah sin cho ah na dâwtnâk dawnglo leh na zumhkâinâk dawnglo ruangah rokualnâk pêk ding na si.

SAM 25:11

LALPA, ka sual tla a tam ruangah na thutiam ziatê hen hawng ka ngaihdam.

SAM 25:7

Ka seino liauah ka sualnâk leh diklonâk chu hawng ka ngaihdam. LALPA, na ṭhatnâk leh na zângfahnâk hen hawng ka theihkumza.

ISAI 37:35

Hi khuapi hi keimah zahnâk ding leh ka to-aw David sinah thu ka tiamh mi ruangah ka vêng hen ka hum awt asi,” a ti.

ISAI 42:8

“Keimah cho hi LALPA na Pathian kasi. Pathian dang tla nih ka rokualnâk anna ting ding asi lo; milem tla chu keimah sawrnâk ka tingtir na awtlo.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 48:5

Churuangah nan milem tla leh a banghpi siam ding hen an sim mi thu a hawng tlung lânah nanna vêngnâk ding hen a lân thawk hen a hawng um ding mi chu ka simkan ving rawh.

ISAI 48:9

“Mi nih ka min an sawr khonâk ding hen, ka thinthawknâk ka tleih le, ka sûm le, ka nan râwk na lai lo.

ISAI 52:5

Tuah Babulon ah chu hâwitê hen thil a hawng um, sal nan si mi lakah a man zeikhawm pêk asi lo. Nan tlûnah lâirêltu tla chu anna zûm hen anna khâwng le, thungâi hen ka tlûnah an ka zauhnawmh zia an langh.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

EZEKIEL 20:14

Sikhawmsele Aigupta ram ah mi Israel tla ka suakpi na mi muhtu phun tla lakah ka thang a duai lai ka ti ruangah ka ti ding mi ka lêt.

EZEKIEL 20:22

Sikhawmsele, ka ti lo, Israel tla Aigupta ram thawk hen ka suakpi na mi muhtu phun tla lakah ka min a sia awt ruangah.

EZEKIEL 20:39

LALPA Zahkâi nih, “Israel mi zawzawng tla, tuah a lâwm u! Nan milem rian kha ṭuan vima ko u! Sikhawmsele ka nan simh na, hi nûn chun nan milem lakah thil nan ap mi nih ka min thenhlimh nan zah lonâk chu an bângtir na lai le, ka thu nan ngâi lai rawh.

EZEKIEL 20:44

Keimah zah ka kâinâk ding ah thil ka ti tik chun, thilsual nan ti mi hâwi hen leh nan ṭhatlo zia hâwi hen kan ti na lo ruangah, nannih Israel mi tla nih kei, LALPA kasi zia nan theih lai rawh,” a ti. LALPA Zahkâi nih a sim asi.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

EZEKIEL 36:22

“Tuah Kei, LALPA Zahkâi nih Israel tla rangah thuchah ka nei mi hi va simh na: Hi thil ka ti awt mi hi nannih Israel tla ruangah asi lo le, nan kalnâk ram kip ah ka min thenhlimh nan mualphoh mi ruangah ka ti awt mi asi.

DANIAL 9:17

Pathian, thla ka cham mi leh ka nan ngiar mi hi ngâi rawh. Na Biakin â râwk mi chu dirh nawlh rawh, mikip nih Pathian na si zia an theihnâk ding hen.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

ROM 2:24

Pathian thu nih a sim hâwitê khan Pathian min chu nanmah Juda tla ruangah Phundang tla lakah siattir hen a um rawh asi.

1 SAMUEL 12:22

LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.