ISAI 48:10 - Bawm Common Language Bible Version

¹⁰ Tangkasa mei lakah an êr mi hâwi hen mei lakah tuarnâk hen kan nik na. Sikhawmsele zeikhawm nan si lo zia ka nan theih na.

ISAI 48:10 ပူးပေါင်းရင်းမြစ်များ

1 Lal 8:51

Nangmah mi tak, Aigupta ram mei humpi lakah na lâk na mi an si.

JOB LASUIBU 23:10

Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

JOB LASUIBU 28:1

Tangka chawhnâk khur a um le; ngûn êrnâk khawm a um.

SAM 66:10

Pathian, nik ding hen na kan siah le; mei hen tangkasa an êr mi hâwi hen na kan nik.

THUFING LASUIBU 17:3

Tangka leh ngûn chu mei hen nik asi le, minung thinlung lam chu LALPA nih a nik.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

JEREMIA 9:7

Hi ruangah hin LALPA Zeizawng tikho nih, “Ka mi tla chu thîr hâwi hen ka êr na lai le, ka nik awt. Ka mi tla nih thilsual an ti ruangah an sinah kei nih thil dang zei me ka ti kho lai?

EZEKIEL 20:38

Nan lakah mi hel mang leh misual zawzawng chu ka lâk peng na awt. Tuah an umnâk ram ah mi ka lâk na lai le, sikhawmsele Israel ram leiah lam chun ka kîrtir na awtlo. Chu tikah kei, LALPA kasi ti nan theih lai,” a ti.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 PETER 4:12

Ka duhtak le tla, nan lakah a dân lo hâwi hen thil zeimawh hawng tlung menza khawmsele niknâk fâk tak nan tuar mi hi chê ti lah u.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.