ISAI 48:1 - Bawm Common Language Bible Version

¹ Juda thlâk Israel mi tla, hi hi ngâi u: LALPA min hen Israel Pathian sawnh ding thu nanna tiam le, sikhawmsele thu nan sim hâwi hen tumnâk nan nei lo.

ISAI 48:1 ပူးပေါင်းရင်းမြစ်များ

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

GENESIS 35:10

Pathian nih a sinah, “Na min chu Jakob asi le, sikhawmsele, tu thawk hen Israel ti asi lai rawh,” a ti. Churawhchun, Pathian nih ‘Israel’ ti hen a sak rawh.

2 Lal 17:34

Tusûn ni tiang hen an dân li chu an thâwn vima. Jakob a min Israel ti hen sak mi thlâk tla sinah pêk mi dân leh thupêk tla khawm an zûl lo, LALPA khawm chu an sawnh lo.

2 Lal 5:20

Elisa to-aw Gehazi nih a thinlung hen, “Ka pu nih Naaman thilpêk a duh lo, a khirh thlo, Siria mi lâwmman pêk chu hei lâk ko ding mi, LALPA a nung mi min hen ka va ṭhâwl lai le, zeimaw zat ka lâk awt,” a ti.

SAM 63:11

Lal chu Pathian nih nehnâk a pêk ruangah â lâwm lai. Pathian sinah thutiam neitu tla chu amah an sawr lai, sikhawmsele mi âwkrâwl kâ chu phih piak asi lai.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

SAM 68:26

“A mi le tla pumhnâk ah Pathian chu sawr ule; nannih Jakob thlâk zawzawng tla, LALPA chu sawr u!”

SAM 68:27

A masa chem hen Benjamin, phun mêchem hawng, churawhchun Juda ruitu leh an murui tla hen, Zebulun leh Naphtali ruitu nih zûl na seh.

EXODUS 23:13

“Kei, LALPA nih nan sinah ka sim mi zawzawng chu ngâi u, pathian dang tla sinah thlacham lah ule, an min khawm sim lah u.

THUFING LASUIBU 5:16

Nunau dang hen nan nei mi fa nih na rangah thil ṭha a ti lai lo.

ISAI 26:13

LALPA kan Pathian, midang tla nih kan lakah lâi an rêl le, sikhawmsele nangmah cho kan LALPA na si.

ISAI 44:5

“Pakhat khat hen mi tla nih LALPA tâ kasi’ an ti lai le, Israel mi tla sinah a fawnh ding hen an hawng lai. Mikip nih an bân ah LALPA min singsiahnâk an siam lai le, LALPA mi tla lakah pakhat kasi an ti lai,” a ti.

ISAI 45:23

Ka thutiam chu a dik le, lêt asi lai lo rawh. Bir tak hen ka sinâk zawzawng hen ka tiamh mi asi; mikip hawng hen ka mâika ah anna siksidîr lai le, zumhkâi ding hen ka sinah thu anna tiam lai.

ISAI 46:12

“Nannih mi lungkhung tla, nehnâk chu lât thlo ding hen ruattu tla, ka thu ngâi u.

ISAI 51:1

LALPA nih, “Nannih ruangsuah duhtu leh ṭangpi ding duh hen ka sinah hawngtu tla ka thu ngâi u. Nan hawng suaknâk lungpi, a nan chawh na nâk kha dawn u.

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

ISAI 58:2

Nisiar hen ka umdân theih ding leh ka dân tla zûl ding duh hen an sim le, an hawng ka sawnh. Dân dik tak pêk na ding an ka duh mi leh an hawng ka sawnh mi lakah nuam an ti mi thu an sim,” a ti.

ISAI 62:8

LALPA nih thutiam bir tak a siam le, A thiltikhonâk hen a zulhpeh vima lai: “Nan fâng tla chu na mêlma tla tî-le-râwl rangah asi lai lo rawh. Ramdang mi nih nan uain hâng an din lai lo rawh.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

ISAI 65:16

Âuzawng nih ram lakah malsâwmnâk deihtu nih chun Pathian Zumhkâi nih mal a sâwm ding hen a deih lai. Âuzawng siat tleihtu chu Pathian zumhkâi min hen a tiam ding asi. A lânah nawknâk tla chu a lan rawh le, philh asi lai rawh,” a ti.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

JEREMIA 44:26

Sikhawmsele nannih Aigupta ram ah um mi zawzawng sinah Kei, LALPA Zeizawng tikho, keimah min hen thutiamnâk ka siam mi chu tuah ngâi u: ‘Pathian nung min hen thu ka tiam!’ ti sim hen thutiamnâk rerêng ka min hen nan lakah âukhawm kan neitir na awtlo rawh.

JEREMIA 5:2

LALPA sawnh ding hen sim khawm le, na sim mi chu na tum lêm lo.

LEVITICUS 19:12

Na zulh kho lo ding mi chu ka min sâl hen thu tiamh lah, chubang nih ka min a mualphoh asi. Kei, LALPA nan Pathian kasi.

MIKAH 2:7

Israel mi tla hi siatbarh mi hen ma na ruat? Pathian nih sûmnâk a nei lo rawh mazei? Chubang hâwi thil chu a ti tak awt mazei? Thil dik titu tla sinah vêlnei tak hen thu a sim lo ma?” an ti.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

ZEKARIA 5:3

Churawhchun, anih nih, “Chu lakah chun, ram pumpi tlûnah siat kal ding mi â rîn. Lasuibuzual sîr khatlei nih chun, ‘Ram lakah mifîr zawzawng tlâutir hep an si lai’ ti a sim, khatlei sîr nih chun ‘Âwkrâwl hen siat tleihtu vial chu lâk phin asi lai’ ti a sim ber.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

NUMBER 24:7

Ruahtî tam tak anna ting lai le, Tî umnâk phâisen ah an thlâi an chîng lai. An lalchem chu Agag ngâk hen a rokual lai le, A lâirêlnâk chu a sâwt hen a kâu lai.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

JOHAN 1:47

Jisu nih Nathanael a sinah a hawng mi a muh le, a thâwngthâng a sim le, “Zauhnik u, Israel mi tak ngamlêmnâk rerêng nei lo hi,” a ti.

JOHAN 4:24

Pathian chu Thlarau asi, a sawnhtu tla nih Thlarau leh thudik hen an sawnh ding asi,” a ti.

ROM 2:17

zei hâwi na si rawh ne? Juda kasi na ti le, Dân chu na rinhsan le, Pathian na putso;

ROM 9:6

Sikhawmsele, Pathian thu chu zeikhawm lo hâwi a um asi lo le, Israel mi zawzawng tla khawm Pathian mi thîm an si ver lo.

ROM 9:8

Chu taksa dân mi fa tla chu Pathian fa an si lo, thutiam fa tla chu Abraham thlâk ah ruat an si dauh tinâk asi.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 33:28

Churuangah Jakob thlâk tla chu thlangam tak hen an um, Vân mi dâmtî nih a chinh mi tual ah fâng leh uain hen a khat mi ram ah him tak hen um na seh.

DEUTERONOMY 5:28

“Hi hi LALPA nih a theih rawh chun ka sinah, ‘Hi zapi tla thusim hi ka theih asi, an dik asi.

DEUTERONOMY 6:13

LALPA nan Pathian chu ṭih ule, amah cho chu sawnh u, amah min cho hen thutiamnâk nei u.

1 TIMOTHE 4:2

Chubang mi âwkrâwl tla chu anmah sia leh ṭha theihnâk ngelchel hen thîr lîn hen belh mi hâwi an si le,

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.