ISAI 47:8 - Bawm Common Language Bible Version

⁸ “Nuamnâk duhtu tla, nannih him ding leh ruangsuah ding hen a ruat mi tla, hi hi ngâi u. Pathian tluk a rokual leh nang banghtu umlo mi hâwi hen na sim. Numei silo thlo ding leh tê-le-fa thlâunâk tuar lo thlo ding hen na ruat.

ISAI 47:8 ပူးပေါင်းရင်းမြစ်များ

ISAI 14:14

Sûm tlûnah kâi hen Zeizawng tikho hâwi hen ka um lai na ti.

ISAI 32:11

Nuam tak hen nan um le, lawksawngnâk khawm nan nei lo; tu lam chun lâu hen thir u! Nan nipuan tla lît ule, nan puan sia hen a sâwm u.

ISAI 32:9

Nannih nunau nuamsabut hen umtu tla, lawksawngnâk nei lo hen umtu, ka thusim hi ngâi u.

ISAI 45:18

LALPA nih vân tla a siam le, anih chu Pathian asi! Tual a tuah hen a siam le, um kumza ding hen bir tak hen a siam. A karo hen a siam lo, mi le tla umnâk mun ding ah a siam mi asi. “Kei, LALPA kasi, pathian dang a um lo,” titu chu amah asi.

ISAI 45:5

“Kei, LALPA kasi, âukhawm pathian dang a um lo. Hawng ka theih lah khawm le, chaknâk na herh mi ka nan pêk lai.

ISAI 45:6

Laikulh khatlei dawnghnâk thawk hen khatlei dawngh tiang mikip nih LALPA kasi ti leh pathian dang rerêng a um lo ti an theih khonâk ding hen hi hi ka ti mi asi.

ISAI 47:10

“Na thilsual ti chu nangmah ngelchel nih na theih ko le; mi âukhawm nih an muh lo ding hen na ruat. Na finghnâk leh na theihnâk nih lampi a nan vâitir le, ‘Pathian kasi, kei banghtu âukhawm an um lo,’ na thinlung ah na ti.

JEREMIA 49:31

‘Hawng! Ruangsuak leh him rawh hen a ruat mi tla chu kan do na lai! An khuapi chu kulh kawtkâ khawm a nei lo, renh khawm a renh lo, zauhkhenhtu khawm a um lo.’

JEREMIA 50:11

LALPA nih, “Babulon mi tla, ka phun chu na rûn na. Na lâwm hen na lâwptlo le, chawpinu nih fâng a chîl mi mawh, rang a âwn le â sawk mi hâwi na si,

JEREMIA 51:53

Babulon chu vân ah kâi hen chunah kulh bir tak tuah khawmsele amah veih ding hen mi ka fial awt nget. Kei, LALPA nih ka sim asi,” a ti.

EZEKIEL 16:49

Ei ding tam tak nei hen thlangam tak hen dâi riang an um ruangah amah leh a fanu tla chu anna zûm phah, sikhawmsele mipâm tla an zauhkhenh lo hen thawsuak hen an siam na lo.

EZEKIEL 28:2

“Thikho mi minung, kei, LALPA Zahkâi nih thu ka sim mi hi Tura lâirêltu rangah simh: Zûm tak hen Pathian ah na ruat. Tipi lâi ah Pathian hâwi hen laltophah ah to hen na sim. Pathian hâwi hen na siam le, sikhawmsele na si lo zia chu Pathian silo hen thikho mi minung na si.

EZEKIEL 30:9

“Chu ni chu a hawng tlung tikah leh Aigupta chu a vei tikah, Sudan mi zumhkâi tla thawktir na ding hen lawng hen mi ka fial lai le, annih tla chu an lâu lai. Chu ni chu a hawng tlung awt rawh!” a ti.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 4:22

Bâwipa, thing sâng tak leh khauh tak chu nangmah na si, nang chu na rokual tuk le, vân na tawngh, na thiltikhonâk hen laikulh pumpi a khat.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

DANIAL 4:4

“Ka umnâk mun ah ka vânṭhatnâk nuamchenh hen thlangam tak hen ka um.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

DANIAL 5:30

Chu zân takah chun Belsazar, Babulon lalchem chu thah hen a um le,

NAHUM 1:10

Banhtu ling leh fapawn a châr mi hâwi hen na kâng hep lai!

NAHUM 3:4

Ninevi, â zuar mi chu rêp asi rawh. Mi muisung thih phah rê hen duhrim kâi, anih chu phun tla dâwi hen sal ah siamtu asi.

HABAKUK 1:7

Ningṭihnâk leh lâunâk an khattir le, anna zûmnâk ruangah dân chu anmah an si chawlh.

ZEPHANIAH 2:15

Chu hâwi hen khuapi mah thiltikhonâk hen zûm mi leh him ziar ding hen â ruat mi tlûnah thil a hawng tlung lai. A sungah minung tla nih an khuapi chu laikulh ah rokual chem hen an ruat. A karo hen um ding mi mun ramsa tla umnâk mun a hawng si lai le; a paltu tla zawng chu an thlingza rê lai.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

LÂIRÊL 18:27

Mikah nih a siam mi thil leh bâwlpu chu Dan mi tla nih an lâk rawh chun an va kal le, Laish thlangam tak leh dâisip hen Bethrehob tivakuam ah an um bâk mi chu an do rawh. An khua sung mi minung tla an thah le, khua chu an duah. Anmah ruangsuahtu ding âukhawm an um lo. Laish chu Sidon thawk hen a lât thlo ruangah leh midang tla hen tlâinâk an nei lo ruangah. Dan mi tla nih chu khua chu an sak thar nawlh le, chu khua ah chun an um rawh.

LÂIRÊL 18:7

Churawhchun, mi panga chu, chu mun ah mi chu Laish khua ah an va kal. Chunah minung um mi tla chu Sidon ah mi tla hâwi hen him tak hen an um mi an muh na. Âu hen khawm tawh leh fâi lo hen rem tak leh dâi ziar hen an um; thil duh zeizawng khawm an nei tling hep. Sidon mi tla hen khawm an umnâk a lât thlo, midang âu hen khawm kawpkaihnâk an nei lo.