ISAI 47:6 - Bawm Common Language Bible Version

⁶ Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

ISAI 47:6 ပူးပေါင်းရင်းမြစ်များ

2 SAMUEL 24:14

David nih, “Dîrmun ṭhalo tak ah ka um rawh asi! Sikhawmsele minung rêp chu ka duh lo. Hawng ka rêp ding hen amah LALPA si dauh seh, anih chu khuaruat khotu asi ruangah,” a ti.

2 CHRONICLES 10:11

Ka pa nih thilrit tak a nan phurhtir na le, chu ngâk rit dauh ka nan phurhtir na awt. Anih nih vuakfung hen an vuak na le, kei lam nih chun rang vuaknâk hen kan vuak na awt!’ ” ti na.

2 CHRONICLES 28:9

LALPA khuavâng pakhat a min Oded chu Samaria khuapi ah a um. Israel kawrsen tla an hawng kîr mi chu Juda mi tla sal ah an tleih na mi hen khuapi lût awt bâiah anna tawng le, an sinah, “LALPA an thlâk natu Pathian chu Juda mi tla tlûnah a thinthawk le, anmah nehtu ah an siam na. Sikhawmsele tuah nan neh na dân chu a theih rawh.

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

2 CHRONICLES 36:20

An thah bang tla chu Babulon ah an kalpi le, lal leh a thlâk tla sal ah Persia lal a hawng dîr tiang hen an um.

Ezra lasuibu 5:12

Sikhawmsele, hawng kan thlâktu tla nih vân Pathian chu a thin an runhtir le, Kaldai lal Babulon ah mi lal Nebukadnezar chu anmah nehtu ah a ruat le, minung tla chu Babulon sal ah a put hep na.

SAM 69:26

Na rêp na mi chu an nehsawh na; na liamh na mi tuarnâk thu chu an sim.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 13:16

Âukhawm ṭangpitu um lo liauah, an fasêm tla chu thi thlo an vuak na lai le, an in tla an rawk lai le, an nupi tla an tleihrêm na lai,” a ti.

ISAI 14:17

Hi minung hi ma khuapi tla râwk hen ramkaro ah siamtu chu? Hi minung hi ma rêngtlâ mi suah duh lo hen in leiah tlungtir na lotu chu?’ an ti lai.

ISAI 14:6

thinthawk tak hen mi tla nehsawhtu, a neh na mi phun tla nehsawh bâng duh lo mi thiltikhonâk chu a dawngtir rawh.

ISAI 43:28

Nan lâirêltu tla nih ka mun thenhlimh an nawmh. Churuangah kei khawm nih Israel tlûnah siatnâk ka tlungtir le, zauhnawmh ding hen ka mi tla chu ka umtir na,” a ti.

JEREMIA 50:42

An chanhtiang leh an nâmsâu tla an lâk le, mi ṭhalo leh mi khuaruat lo an si. Rang tlûnah anna chuan mi hâu chu tipi hâu hâwi asi. Babulon mi tla do ding hen tîm zet hen an um.

LUNGFÂKNÂK 1:14

“Ka sual singsiahnâk zawzawng chu a lâk le, a têl hep; Ka ngâwng ah hawng ka awih le, chu rit nih chun hawng ka uaitir dadauh. LALPA nih ka mêlma sinah hawng ka pêk le, An lakah mi ṭangpitu ding ka nei lo rawh.

LUNGFÂKNÂK 1:21

“Âukhawm thlangamhtu umlo hen; ka rûm mi hi ngâi. Ka lakah siatnâk na hawng tlungtir mi ruangah Ka mêlma tla chu anna lâwm. Thu na tiam mi ni hawng tlungtir le; Ka tuar mi hâwi hen ka mêlma tla tuartir na.

LUNGFÂKNÂK 2:2

LALPA nih khuaruatnâk nei lo thlo hen Juda ram khua kip chu a râwk le, An vêng mi ram lakah kulh tla chu siat hen a um. Lalram tlûnah leh a lâirêltu tlûnah mualphonâk a tlungtir.

LUNGFÂKNÂK 4:16

LALPA nih anmah a âwva na lo rawh le; amah ngelchel nih a rektir ver na. Kan bâwlpu tla leh hawng kan ruitu tla chu a sunhsak na lo rawh.

LUNGFÂKNÂK 5:12

Hawng kan ruitu tla chu an tleih na le, an thlâi na; kan tarpa tla nih khawm zah an tawng lo.

EZEKIEL 24:21

Biakin nanna rinhsanh. Va zauh ding leh va pal ding khawm nan duh thlo le, sikhawmsele LALPA nih a nawmh awt. Chun nan in sungkhur ah a ngâksia dauh mi tla Jerusalem ah um rih mi tla chu râltuknâk ah thah hen an um lai.

EZEKIEL 28:16

Châwk leh zuar ah na nawk le, chu nih chun vei ding leh sual ding hen an tlûtir. Churuangah ka tlâng thenhlimh chu kaltâk ding hen ka nan nar le, a nan vêngtu vânmifial nih lungsung chêu nâwngah mi chu a nan nar ving.

OBADIAH 1:10

“Na unau Jakob thlâk tla na râwk hen na thah na ruangah na vei lai le, zahkâi lo hen na um pawt lai rawh.

OBADIAH 1:16

Ka tlâng thenhlimh ah ka mi tla nih rêpnâk hâi khâ tîk mi an din. Sikhawmsele a kiangkam ah phun tla nih rêpnâk hâi khâ dauh mi an din nget rih le, an din hep lai le, an vei hep lai.

ZEKARIA 1:12

Churawhchun, vânmifial nih, “LALPA, Zeizawng tikho, tuah Jerusalem leh Juda khuapi lakah na thinrun mi chu kum sâwmsarih asi rawh. Khuaruatnâk nei lo hen zeitiang riamruam me na siah awt? ” a ti.

ZEKARIA 1:15

Phun tla anna lâwm mi leh thlangam tak hen an um mi thungâi ka ro a thawk. Ka mi le tla, phundang tla nih ṭhalo tak hen an tuartir na liauah ka mi tla tlûnah ka thinthawknâk chu ka sûm râm.

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

DEUTERONOMY 28:50

Upa, ngâksia âu lak khawm ah khuaruatnâk leh siherhnâk nei lo mi an si lai.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.