ISAI 47:5 - Bawm Common Language Bible Version

⁵ LALPA nih Babulon sinah, “Mun king leh a mûinâk ah va to le; phun tla lalnu an ti lai lo rawh!

ISAI 47:5 ပူးပေါင်းရင်းမြစ်များ

SAM 31:17

LALPA, ka nan auh asi; mualpho hen hawng ka umtir lah. Misual chu mualpho hen um sele, laikulh thihnâk lakah dâidep hen kaltir na.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

ISAI 13:10

Ârfi zawzawng leh firuk tla khawm an chêu lai lo le; nî khawm a hawng suak tikah a mûi lai le, thlâ khawm a chêu lai lo.

ISAI 14:23

Babulon chu nêngthû ah ka siam lai le, chunah chun sûmbuh tla an um lai. Zeizawng phiat pengnâk munphiah hen Babulon chu ka phiat awt. Kei, LALPA Zeizawng tikhotu nih ka sim asi,” a ti.

ISAI 14:4

Chu hâwi hen a ti tikah chun, Babulon lal chu an zauhnawmh lai rawh le: “Lalchem sual chu a tlû rawh! Âukhawm a nehsawh na lai lo rawh!

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 23:2

Nannih Sidon ah sawlehtu tla, lawksawng tak hen um u!

ISAI 47:1

LALPA nih, “Babulon, na laltophah ah mi chu ṭum le, tual tlûnah valeidip lakah to rawh. Veikhat chu nungâk thenhlimh hâwi hen neh kho lo mi khuapi na si le, sikhawmsele na nêm hen na no kumza lai lo rawh! Tu chun sal na si rawh.

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

JEREMIA 25:10

An lâwptlonâk leh lâwmnâk hâu leh nupi puai lakah lâwmnâk hâu tla ka rehtir lai. An meichêu rangah a hâng an nei lai lo le, fâng khawm a um lai lo rawh.

JEREMIA 8:14

Pathian mi tla nih, “Zei rangah kan to nget ko rih? Hawng u, kulhnei khuapi ah kan tek lai le, chunah kan thi ko lai. LALPA kan Pathian nih thi ding hen hawng kan mawhtir le; din ding hen tûr hawng kan pêk, a lakah kan sual ruangah.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

HABAKUK 2:20

LALPA chu a Biakin thenhlimh ah um hen tual tlûnah mikip chu a mâika ah dâisip hen um na seh.

ZEKARIA 2:13

LALPA chu a mun thenhlimh thawk hen a hawng awt ruangah mikip a mâika ah dâisip hen um u.

JUD 1:13

Tipi tlingtlawk hâwi hen an um le, an thilti ningzakkâi tak chu a phul mi hâwi an si, ârfi a vâi lemang mi hâwi an si le, Pathian nih an rangah mûi thûk tak a siah piak na mi tla an si.

THUPHUANG 17:18

Chun, “Nunau na muh mi kha khua rokual tak, tual ah lal tla tlûnah lâirêltu chu a si,” a ti.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.