ISAI 47:4 - Bawm Common Language Bible Version

⁴ Israel Pathian Thenhlimh nih hawng kan suah le, a min chu LALPA Zeizawng tikho asi.

ISAI 47:4 ပူးပေါင်းရင်းမြစ်များ

SAM 19:14

Ka thu leh ka dawn mi tla hi na rangah pawm tlâk si seh. LALPA, ka kulhpi leh hawng ka tlanhtu!

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 43:14

Israel Pathian Thenhlimh, a nan hum natu LALPA nih, “Ruang a nan suah na ding hen Babulon ah kawrsen ka hawng fial lai. Khuapi kulh kawtkâ tla ka chimtir lai le, a minung tla âunâk tla chu ṭapnâk ah â chang lai.

ISAI 43:15

Kei LALPA nan Pathian Thenhlimh kasi. Israel, an siam natu nan lalchem kasi,” a ti.

ISAI 43:3

Kei chu Israel Pathian thenhlimh, a nan humtu LALPA na Pathian kasi. Aigupta chu a nan suah ding hen ka nâutir lai; Sudan leh Seba khawm ka nâutir lai.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 51:15

“Kei, LALPA nan Pathian tipi tla tlingtlawktirtu leh tîlian rihâu suahtirtu chu kasi. Ka min chu LALPA Zeizawng tikhotu kasi!

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

JEREMIA 31:11

Israel mi tla chu an tângnâk ah mi ka suah na le, phun chak tak lakah mi ruang ka suah na.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!