ISAI 47:2 - Bawm Common Language Bible Version

² Na fângrialnâk lung chu zît le, sangvut rial! Na khuhnâk puan lît! Na puan dawh tla lît! Tiva tan ding hen na nufên lîm!

ISAI 47:2 ပူးပေါင်းရင်းမြစ်များ

GENESIS 24:65

Abraham to-awpa rangah, “Phâisen ah a hawng kal mi pa khi âu mesi?” ti hen a deih. To-awpa nih, “Ka pu asi,” ti hen a sâng. Churawhchun, a puan a lâk le, a mêl a khuh.

1 CHRONICLES 19:4

Hanun nih David mifial tla chu a tleih na le, an khamul tla a mêt piak na, an tawkâwng ri hen an nipuan a tan piak na le, a kîrtir na.

JOB LASUIBU 31:10

ka nupi chu midang mipa eibâr siamtu si hen, midang mipa ihkhun ah it seh.

EXODUS 11:5

Aigupta ram ah mi fapa tîr lalchem fapa a ro thâwntu ding mi thawk hen fâng rialtu sal nunau fapa tiang an thi lai. Ran lakah khawm ring masa chem mi an thi lai.

THUSIMTU 12:4

Khualâi tlâng mi hâu tla theihlo ding hen na nâ khawm a sêt lai. Khual hâu leh tumphung an tum mi hâu khawm fiang lo tak hen na theih lai, sikhawmsele va awnh hâu nih na it mi a nan ṭhangh lai.

ISAI 20:4

Asiria lal lianchem nih chun, chu ram panih thawk hen a mi tleih tla chu takkaro leh kê karo hen a kalpi na awt asi. Upa, ngâksia takkaro leh kê karo hen an kal lai le, an taw lang bû hen Aigupta rangah an mualphoh lai.

ISAI 3:17

Sikhawmsele ka rêp na lai le, an lû ka mêt na lai le, kâwng lel hen ka siah na lai,” a ti.

ISAI 3:23

suak leh langhnâk thuam tla, an mêl nâwtnâk puannêm leh upâwng tla, an lû khuhnâk puan sâu tla lâk ver asi lai.

ISAI 32:11

Nuam tak hen nan um le, lawksawngnâk khawm nan nei lo; tu lam chun lâu hen thir u! Nan nipuan tla lît ule, nan puan sia hen a sâwm u.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 13:26

LALPA amah tak nih na nipuan an lît piak lai le, ningzakkâi tak hen an umtir lai.

JEREMIA 25:10

An lâwptlonâk leh lâwmnâk hâu leh nupi puai lakah lâwmnâk hâu tla ka rehtir lai. An meichêu rangah a hâng an nei lai lo le, fâng khawm a um lai lo rawh.

JEREMIA 27:7

A phun tlûknâk tik a tlung lânlo chu phun zawzawng tla nih amah leh a fapa leh a tupa rian an ṭuan lai. Churawhchun, a phun nih phun thiltikho tak leh lalchem rokual tak tla rian an ṭuan lai.

LUNGFÂKNÂK 5:13

Kan tlangvâl tla chu sal hâwi hen zângran hen fâng an rial tir na le, mipa ngâksia tla khawm hâwr lemang hen thing rit tak an phurhtir na.

HOSEA 2:3

Chu hâwi hen a lêt duh lo chun a suak liau mi hâwitê hen takkaro siding hen a nipuan ka lît piak awt. Ramkaro leh ram châr hâwi hen ka siam lai le, tîhâl hen a thi lai.

MIKAH 1:11

Nannih Saphir mi tla, takkaro leh ningzak bû hen sal ah kal u. Zaanan ah um mi tla chu an khuapi thawk hen an hawng suak ngam lo. Bethezel ah um mi tla an lungfâk mi nan theih tik chun chunah himnâk a um lo rawh ti nan theih lai.

MATHAI 24:41

Nunau panih fâng rialnâk ah chun fâng rial hen an um lai le, pakhat chu kalpi ving hen a um lai le, pakhat chu mâk hen a um lai.

LUK 17:35

Nunau panih fâng rial hen an um lai le, pakhat chu lâk hen a um lai le, pakhat chu mâk hen a um lai,” a ti.

1 KORIN 11:5

Nunau âuzawng a lû khuh lo hen thlacham mawh thusimtu nih chun a pasal a mualphoh asi; chu nunau chu a lû mêt peng mi nunau hen zeikhawm â dangnâk a um loh.

LÂIRÊL 16:21

Philistia tla nih an tleih le, a mit an chawih zek. Gaza ah an kalpi le, dâr chikchîn hen an khih le, rêngin ah rialnâk khâwl ah rian an ṭuantir.