ISAI 47:11 - Bawm Common Language Bible Version

¹¹ Siatnâk na lakah a hawng tlung lai le, na dâwithiamnâk nih a kham kho lai lo. Mawhsareh hen na lakah siatnâk a hawng tlung lai le, chu siatnâk chu na dawn dahlo mi asi!

ISAI 47:11 ပူးပေါင်းရင်းမြစ်များ

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

THUPHUANG 3:3

Ê-aw ngâilo, na sual tla rim le, an sîntir mi tla leh na theih rawh mi tla kha theihkumza rawh. Na vêng lo chun mifîr hâwi hen zei tikah na sinah ka hawng awt ti na theih lai lo.

LUK 12:59

Ka nan simh, lepton tê men na lîm lânlo chu, chunah mi chu na suak rîlmâl lai loh,” a ti.

SAM 50:22

“Nang, mi lungkhung, hi hi ngâi; chu lo chun ka nan veih awt, âukhawm a nan humtu ding a um lai loh.

NEHEMIAH 4:11

Kan mêlma tla nih hawng kan thah ding leh kan rianṭuan bângtir ding an tum mi chu anmah an hawng tleng lânlo chu kan theih lo thlo ding hen an ruat.

MATHAI 18:34

Chun, a pu chu a thinthawk le, â bat mi zawzawng a lîm lânlo chu rêptu tla sinah a pêk rawh.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

LUK 17:27

Noa chu lawng ah a lût le, buanso a hawng tlung le, an ektê hen a thah ver na ni kha a tlung lânlo chu an din hen an ei le, nupi pasal anna umh tâwn.

SAM 35:8

Sikhawmsele, an theihmanh lân karah siat leh râwknâk nih anmah tla a tleih na lai le; anmah thang nih a awh na hen anmah siatnâk ah an tlû lai!

SAM 55:15

A tik lânah ka mêlma tla chu thi na seh, a nung bû hen laikulh thihnâk ah kal na seh! Sualnâk chu an thinlung leh an in lakah a um.

SAM 73:19

Lâkkhatko ah anna râwk dep le, dawnghnâk ṭihnungkâi ah an kal.

THUFING LASUIBU 13:21

Misual chu mun kip ah nawknâk nih a zûl. Sikhawmsele mirep tla chu thil ṭha hen lâwmman pêk asi lai.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 30:13

Nan sual rawh. Kulh sâng tak a kak le, a chim mi hâwi nan si; nan tlû sawm lai.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

ISAI 57:1

Mi ṭha tla chu an thi le, âukhawm nih an theih hen an âwva lo. Sikhawmsele an thih liau khawm ah vânduainâk nih an lung a fâktir kho lo.

JEREMIA 51:8

Babulon chu a tlû sâwm le, a vei rawh! Lungfâkpi u! Turpang hâwl piak u, a dam kekkawk lai mawh.

JEREMIA 51:29

Babulon ram chu âukhawm umlo ding hen LALPA nih a karo hen siam a tum ruangah tual chu â nîn hen a thir rawh.

JEREMIA 51:43

Khuapi tla chu zauh hen ṭihnungkâi rê hen a um le, mi âukhawm umlonâk leh mi velvâ khawm umlonâk tî umlonâk ramkaro hâwi asi rawh.

LUNGFÂKNÂK 1:21

“Âukhawm thlangamhtu umlo hen; ka rûm mi hi ngâi. Ka lakah siatnâk na hawng tlungtir mi ruangah Ka mêlma tla chu anna lâwm. Thu na tiam mi ni hawng tlungtir le; Ka tuar mi hâwi hen ka mêlma tla tuartir na.

EZEKIEL 7:26

Siatnâk lakah siatnâk dang a hawng tlung lai, tivatê dusah a luang mi thâwng ṭhalo a hawng tlê lai. Khuavâng tla sinah langhnâk an muh mi nan deih na lai. Bâwlpu tla khawm nih mi zapi tla sîntir ding zeikhawm an nei lai lo, upa tla khawm nih thu simh ding an nei lai lo rawh.