ISAI 47:10 - Bawm Common Language Bible Version

¹⁰ “Na thilsual ti chu nangmah ngelchel nih na theih ko le; mi âukhawm nih an muh lo ding hen na ruat. Na finghnâk leh na theihnâk nih lampi a nan vâitir le, ‘Pathian kasi, kei banghtu âukhawm an um lo,’ na thinlung ah na ti.

ISAI 47:10 ပူးပေါင်းရင်းမြစ်များ

ISAI 5:21

Râwk leh siat hen na um rawh! Fing leh theih hen na ruat.

ISAI 29:15

An thinlung LALPA lakah thuh tumtu tla chu an vânduai! A thuptê hen thilti ding an tum mi chu âukhawm nih muh ding hen leh theih ding hen an ruat lo.

ROM 1:22

Mifing ah anna ruat le, sikhawmsele, mi â ah an hawng a chang;

SAM 52:7

“Zauhnik, Pathian lakah him ding hen ngauh lo hen a neih le siah leh thilsual lakah him ding a tum mipa hi,” an ti lai.

EZEKIEL 8:12

Pathian nih, “Thikho mi minung, Israel ruitu tla nih a thup hen thil an ti mi na muh ma? In kardang khat zat mi milem tla an sawnh. Anna phelhsawlhnâk chu: ‘LALPA nih a hawng kan muh lo! Ram a kaltâk ving rawh an ti,’ ” a hawng ka ti.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

1 KORIN 3:19

Hi laikulh finghnâk hi Pathian ngaih hen âtnâk asi, “Pathian nih mi fing tla chu an fing perpetnâk lakah a awhtir na tâwn,” ti hen Pathian lasui thu nih a sim hâwi khan.

EZEKIEL 9:9

Pathian nih a sâng le, “Israel leh Juda mi tla nih thilsual ṭihnungkâi tla an ti, ram pumpi ah mi an thah na le, Jerusalem chu buarnâk hen an khattir. Kei, LALPA nih an ram chu kaltâk hen anmah tla ka muh na lo rawh mi hâwi hen an sim.

JEREMIA 23:24

Ka muh kho lo ding hen âukhawm anna thup kho lo. Tual leh vân mun kip ah ka um ti nan theih lo ma?

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

THUSIMTU 8:8

Âukhawm a thi ding mi lakah a vêng hen a thih ni a lanh kho lo. Chu chu raltuknâk kan âwl kho lo mi chu asi; kan lampi ah kal ding kan âwl kho lo.

SAM 64:5

An phiarnâk diklo hen anna fawrh tawnh! An thang tunhnâk mun ding anna thluk le, “âukhawm nih an muh na lai loh,” an ti.

ISAI 28:15

Thihnâk hen thutiamnâk siam hen nanna zûm le, laikulh thihnâk hen remnâk nan phanh rawh. Siatnâk a hawng tlung tikah zuah na ding hen nanna ruat, perpetnâk leh âwkrâwl thu lakah him ding nanna ngauh ruangah.

SAM 10:11

Misual nih a thinlung hen, “Pathian nih a sunhsak lai lo! a mit a sîm le, hawng ka muh lai loh,” a ti.

ISAI 47:8

“Nuamnâk duhtu tla, nannih him ding leh ruangsuah ding hen a ruat mi tla, hi hi ngâi u. Pathian tluk a rokual leh nang banghtu umlo mi hâwi hen na sim. Numei silo thlo ding leh tê-le-fa thlâunâk tuar lo thlo ding hen na ruat.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

ZEPHANIAH 2:15

Chu hâwi hen khuapi mah thiltikhonâk hen zûm mi leh him ziar ding hen â ruat mi tlûnah thil a hawng tlung lai. A sungah minung tla nih an khuapi chu laikulh ah rokual chem hen an ruat. A karo hen um ding mi mun ramsa tla umnâk mun a hawng si lai le; a paltu tla zawng chu an thlingza rê lai.