ISAI 47:1 - Bawm Common Language Bible Version

¹ LALPA nih, “Babulon, na laltophah ah mi chu ṭum le, tual tlûnah valeidip lakah to rawh. Veikhat chu nungâk thenhlimh hâwi hen neh kho lo mi khuapi na si le, sikhawmsele na nêm hen na no kumza lai lo rawh! Tu chun sal na si rawh.

ISAI 47:1 ပူးပေါင်းရင်းမြစ်များ

JOB LASUIBU 2:13

A tuar fâk dân an muh le, ni sarih leh zân sarih zei thu khawm simlo hen an to.

JOB LASUIBU 2:8

Nâwmpawng kiangah a to le, bêl kuai hen a mâ a huat.

SAM 137:8

Babulon, nang khawm râwk hen na um lai. Kan lakah thil na ti mi ruangah lehrûl sam hen,

SAM 18:27

 nâutir mi tla chu ruang na suah le, anna zûm mi na nâutir.

SAM 89:44

A lal ṭhianṭhunh chu na lâk piak ving le, a laltophah chu tual ah na lawnh piak.

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 13:13

Kei, LALPA Zeizawng tikho nih ka thinthawknâk ka langh ni ah chun, vân ka thirtir lai le, tual chu a um mun ah mi chu ṭhial rê ka ninh lai.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 21:1

Hi hi Babulon thu ah thuchah asi. Thlihêl hâwi hen ramkaro chu a phiat le, siatnâk chu ram ningṭihkâi thawk hen a hawng lai.

ISAI 23:12

Sidon khuapi, na lâwptlonâk chu a dawng hen na mi tla chu nehsawh hen an um rawh. Kupra leiah him ding hen kal menza na khawmsele an him dah lai lo.

ISAI 26:5

 zûm mi minung tla chu a nâutir na le; an umnâk khuapi bir tla chu a râwk piak hen a kulh tla a chimtir le, valeidip ah a mântir.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 37:22

LALPA nih, “Senakerib, Jerusalem khuapi nih a nan nihsanh le, a nan zauhnawmh rawh.

ISAI 52:2

Jerusalem, thawsuak tak hen a lît rawh! Valeidip lakah mi thawk le, na laltophah tlûnah to! Zion ah mi saltâng tla, rêng a nan khimh na mi sût!

JEREMIA 13:18

LALPA nih ka sinah, “Lalchem leh a nu chu an lallukhuh dawh tak an lû lakah mi a tlâ rawh ruangah an laltophah ah mi chu ṭum ding hen simh na.

JEREMIA 46:11

Aigupta mi tla Gilead ah kal ule, turpâng va hâwl u! Nan turpâng tla chu zeikhawm asi lo ti a theih rawh; zeikhawm nih an damh kho na ding asi lo.

JEREMIA 48:18

Nannih Dibon ah um mi tla, nan mun zahkâi tak a mi hawng ṭum ule, tual ah mi valeidip ah to u; Moab râwktu tla chu hinah a um le, a kulh tla chu râwk dep hen mâk asi rawh.

JEREMIA 50:1

Hi hi Babulon khuapi leh a mi tla thu ah LALPA nih thuchah a hawng ka pêk mi chu asi:

JEREMIA 50:42

An chanhtiang leh an nâmsâu tla an lâk le, mi ṭhalo leh mi khuaruat lo an si. Rang tlûnah anna chuan mi hâu chu tipi hâu hâwi asi. Babulon mi tla do ding hen tîm zet hen an um.

JEREMIA 51:1

LALPA nih, “Babulon leh a mi tla lakah siatnâk thli ka tlungtir.

JEREMIA 51:33

Sâwtlotê ah mêlma tla nih an thah na lai le, fâng chîlnâk mun ah fâng an chîl mi hâwi hen an lamhbêk na lai. Kei, LALPA Zeizawng tikho Israel Pathian nih ka sim asi,” a ti.

JEREMIA 51:51

‘Ramdang mi tla nih Biakin ah mi mun thenhlimh chu an lâk rawh ruangah ningzak saih leh mualpho tak hen kan um le, kan kawng a dawng thlo rawh,’ nan ti.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

LUNGFÂKNÂK 4:5

Buh-an thâw chem eitu tla chu khua lâi ah sungvâng hen an thi le; nuamchenhtu tla chu ei ding hâwl hen nâwmtâm an thâi.

EZEKIEL 26:16

Tipi ah um mi phun tla lal zawzawng an laltophah thawk hen thlâk an si lai. An lal thuam leh an nipuan thuamh mi tla an lit piak na lai le, tual ah thir bû hen an to lai. Na thihnâk ruangah an lâu tuk ah an thir mi an bâng kho lai lo.

EZEKIEL 28:17

Na mêl ṭhatnâk chu zûm phahnâk ah na mang le, na minthangnâk nih mi â hâwi hen a nan tuah. Hi ruangah tual ah ka nan lawnh hen lalchem dang tla theihthiam ding hen ka nan kaltâk asi.

JONA 3:6

Ninevi khua lal khawm nih chu thu chu a theih rawh chun, a laltophah a mi chu a thawk le, a nipuan a lit le, salâpuan â aih le, vachâm lakah a to.

HAGAI LASUIBU 2:22

lalram tla leh an thiltikhonâk ka dawngtir awt, an kari leh a khalhtu tla chu ka thal tlak lai le, rang tla an thi lai le, a tlûnah totu tla chu anmah leh anmah anna thah lai.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.