ISAI 45:9 - Bawm Common Language Bible Version

⁹ Tual bêl nih a siamtu rangah bêl dang zawzawng hâwi hen hawng ka siam a ti ngam mazei? Valei khawm nih bêl siamtu rangah zei na ti ti hen a deih mazei? Bêl nih a siamtu sinah zung na thiamlo ti hen a sâwi mazei?

ISAI 45:9 ပူးပေါင်းရင်းမြစ်များ

JOB LASUIBU 10:9

Sunhtlung valei hen na ka siam mi chu theih le, valeidip ah na ka siam awt nawlh ma?

JOB LASUIBU 33:13

Minung fa chipchiarnâk sâng dahlotu Pathian rangah zei rangah na mawhtir?

JOB LASUIBU 9:12

A duh mi zawng a lâk le, âukhawm nih a khap kho lo. “Zei me na ti?” ti hen âukhawm nih an deih ngam lo.

JOB LASUIBU 9:4

Pathian chu thungâi a fing le, thil a ti kho; amah do khotu âukham an um lo.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

THUSIMTU 6:10

Thil zeizawng a hawng tlung mi tla chu a lân thawk hen um ding hen ruat chia rêng asi, mi nih amah ngâk a chak dauh mi chu a êl kho lo ti kan theih.

ISAI 10:15

Sikhawmsele, LALPA nih, “Reitlung nih amah mangtu ngâk hen ka lian dauh a ti kho lai ma? Thing lahnâk sarai nih a lahtu sinah nang ngâk hen ka herh dauh a ti lai ma? Kutzâ chu minung lirhtu asi lo le, minung nih kutzâ chu a lirh dauh asi,” a ti.

ISAI 29:16

Thil zeizawng a let palai hen an siam hep. Sunhtlung valei leh bel hêmtu a zei mi a herh dauh? Thilsiam nih a siamtu sinah, “Na ka siam mi si loh,” mawh “Thil na ti mi chu na theih lo,” a sinah a ti kho mazei?

ISAI 45:10

Âutal nih a nu leh a pa sinah, “Zeirang hi hâwi hen nan hawng ka siam?” a ti ngam mazei?

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

ISAI 64:8

Sikhawmsele, LALPA, nang chu kan pa na si. Kannih chu sunhtlung valei hâwi kan si, nang chu bêl hêmtu hâwi na si. Nangmah siam mi kan si,

JEREMIA 18:6

“Israel mi tla, bêlhêmtu nih valei a duh duh hen a ti hâwi hen an ti na ding hen thu ka nei lo mazei? Bêlhêmtu kut ah valei a um mi hâwi hen ka kut ah um mi nan si.

JEREMIA 36:29

LALPA nih lalchem sinah, “Lasuibuzual chu na duah le, Jeremia rangah, zei rangah Babulon lalchem a hawng lai le, hi ram hi a râwk lai le, a mi tla leh ran tla a thah hep lai ti hen na rîn, ti thu sim ding hen a hawng ka simh.

JEREMIA 50:24

Babulon mi tla, na hawng ka sualpi le, thang kan tunh piak mi nih a nan awh rawh, sikhawmsele na theih lo thlo.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

1 KORIN 10:22

Asi lo chun Lalpa chu thîk ding hen a lung kan fâktir awt bei ne? Amah ngâk hen kan chak dauh hen ma kanna ruat?