ISAI 45:8 - Bawm Common Language Bible Version

⁸ Vân thawk hen nehnâk chu ruah hâwi hen ka hawng fial lai le, ting ding hen tual chu â awng lai le, diknâk leh thawsuaknâk hen ka êntir lai. Kei, LALPA nih hi bang hi ka tlungtir awt,” a ti.

ISAI 45:8 ပူးပေါင်းရင်းမြစ်များ

2 Lal 19:25

“Alân thawk hen ka thiltum zawzawng tla hi na theih dah tâwn ma? Tu chun ka hawng langh rawh. Tu chun kulhnei khua tla chu nâwmpawng ah siam kho ding hen thiltikhonâk ka nan pêk.

SAM 68:8

tual chu â nîn le, vân nih ruah a sûrtir, Sinai Tlâng mi Israel Pathian na hawng ruangah.

SAM 72:3

Ram chu vân ṭhatnâk lakah a lâwm sele; repnâk chu theihthiam seh.

SAM 72:6

Lal chu a lo lakah ruah a sûr mi hâwi leh ram lakah chî vawrh a tlâ mi hâwi si seh.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 4:2

LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 53:2

Thil phun tual châr lakah a ram a thlâk mi hâwi hen a to-aw ṭhang ding mi chu LALPA duhzia asi. Amah kan theih khonâk ding hen rokualnâk leh dawhnâk khawm a nei lo. Amah lakah duhrim a kâinâk khawm a um lo le amah lakah va a bek ding hen duh san ding zeikhawm a um lo.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:11

A chî a keuh hen a hawng ṭhang tatak rawh chun, LALPA Zahkâi nih a mi tla ruang a suah na lai le, Phun zawzawng nih amah an sawr lai rawh.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

JEREMIA 31:22

Lungnâk nei lo mi tla, zeitiang riamruam me nan zenh awt? Nunau nih mipa a hum dân a dang mi hâwi hen thil zeimawh ka siam mi chu ka thartir le, ka dangtir,” a ti.

EZEKIEL 34:26

“Mal ka sâwm na lai le, ka tlâng thenhlimh kiangkam ah ka umtir na lai. Chunah chun fâng chî tuhtu nih an herh liauah malsâwmnâk ruah ka sûrtir lai.

HOSEA 10:12

Nan rangah ‘Tual thar nâwn ule, rêpnâk phun hen malsâwmnâk ât ule, ka sinah nanna pumpêknâk a lang lai. Kei, nan LALPA sinah nan hawng ding hen a tik a tlung rawh le, a hawng lai le, nan tlûnah malsâwmnâk ka nan tawih lai,’ ka ti.

JOEL 3:18

Chu tikah chun tlâng sâng tla chu grep zûn nih a khuh lai le, tlâng kip ah ranrual tla muh asi lai. Juda ram zawzawngah tî tam tak a um lai. Tiva chu LALPA Biakin thawk hen a hawng luang lai le, Akasia tivakuam tla ah a luang lai.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 4:24

minung thar, thudik repnâk leh thenhlimhnâk ah Pathian hâwi a siam hen khan a thuam u,” ti thu hi.