ISAI 45:6 - Bawm Common Language Bible Version

⁶ Laikulh khatlei dawnghnâk thawk hen khatlei dawngh tiang mikip nih LALPA kasi ti leh pathian dang rerêng a um lo ti an theih khonâk ding hen hi hi ka ti mi asi.

ISAI 45:6 ပူးပေါင်းရင်းမြစ်များ

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

ISAI 11:9

Pathian tlâng thenhlimh, Zion tlûnah chun nganfâk pêk leh thilsual zeikhawm a um lai lo. Tipi tla chu tî hen a khat mi hâwi hen, ram chu LALPA theihnâk hen a khat lai.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 45:5

“Kei, LALPA kasi, âukhawm pathian dang a um lo. Hawng ka theih lah khawm le, chaknâk na herh mi ka nan pêk lai.

ISAI 47:8

“Nuamnâk duhtu tla, nannih him ding leh ruangsuah ding hen a ruat mi tla, hi hi ngâi u. Pathian tluk a rokual leh nang banghtu umlo mi hâwi hen na sim. Numei silo thlo ding leh tê-le-fa thlâunâk tuar lo thlo ding hen na ruat.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

EZEKIEL 38:23

Hi hâwi hen phun zawzawng tla chu ka rokual zia leh ka thenhlimh zia ka zauhtir na lai. Chu tikah kei LALPA kasi ti an theih lai,” a ti.

EZEKIEL 39:21

LALPA nih, “Phun tla chu ka rokualnâk ka muhtir na hen ka thuthlûk dik mang ding hen ka thiltikhonâk ka mang zia ka zauhtir na lai.

JOEL 2:27

Churawhchun, Israel, Kei, nan sinah ka um mi leh LALPA nan Pathian kasi zia, keimah lo chu midang âukhawm an um lo ti nan theih lai rawh. Ka mi tla chu zauhnawmh hen an um lai lo rawh.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!