ISAI 45:5 - Bawm Common Language Bible Version

⁵ “Kei, LALPA kasi, âukhawm pathian dang a um lo. Hawng ka theih lah khawm le, chaknâk na herh mi ka nan pêk lai.

ISAI 45:5 ပူးပေါင်းရင်းမြစ်များ

1 Lal 8:60

Churawhchun, laikulh phun zawzawng nih LALPA Pathian cho lo chu a dang âukhawm an um lo ti an theih lai.

Ezra lasuibu 1:2

“Hi hi Persia lal lianchem Kirus thupêk asi. LALPA Vân Pathian nih laikulh pumpi lâirêltu ding ah hawng ka siam le, Juda ram ah mi Jerusalem ah Biakin sak ding hen mawhphurhnâk hawng ka pêk.

JOB LASUIBU 12:18

Lal tla chu laltophah lakah mi thlâk hen, rêngin ah a khumh na.

JOB LASUIBU 12:21

Thiltikho tla chu ningzâk a saih le; lâirêltu chaknâk chu a dawnghtir.

SAM 18:31

LALPA cho chu Pathian asi; Pathian cho chu hawng kan vêngtu asi.

SAM 18:32

Amah chu hawng ka chaktirtu leh ka lampi himnâk siamtu Pathian asi.

SAM 18:33

Sazuk hâwi hen kê bir tak hawng ka siam piak le, tlâng tlûnah him tak hen a ka kil.

SAM 18:39

Râltuk ding hen chaknâk leh ka mêlma tla nehnâk na ka pêk.

SAM 86:10

Nang chu na chak le, thilchê tak tla na ti; nang cho hi Pathian na si.

EXODUS 9:14

Tutan mi chu na rianṭuantu leh na minung tla lâwng ka rêp awtlo le, nangmah khawm kan rêp awt, chu tikah kei hâwi hi âukhawm laikulh ah an um lo ti na theih lai.

ISAI 22:21

Na rianṭuannâk thuam leh tâisâwm leh na thuneihnâk zawzawng a sinah ka pêk lai. Jerusalem ah mi leh Juda mi tla lakah pa hâwi hen a um lai.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 45:1

LALPA nih Kirus chu lalchem siding hen a thîm. Phun tla nehtu ding ah a ruat le, lalchem tla thiltikhonâk suh na ding hen a fial le; LALPA nih khuapi kulh kawtkâ chu a rangah a awng piak lai. LALPA nih Kirus sinah,

ISAI 45:6

Laikulh khatlei dawnghnâk thawk hen khatlei dawngh tiang mikip nih LALPA kasi ti leh pathian dang rerêng a um lo ti an theih khonâk ding hen hi hi ka ti mi asi.

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

ISAI 47:8

“Nuamnâk duhtu tla, nannih him ding leh ruangsuah ding hen a ruat mi tla, hi hi ngâi u. Pathian tluk a rokual leh nang banghtu umlo mi hâwi hen na sim. Numei silo thlo ding leh tê-le-fa thlâunâk tuar lo thlo ding hen na ruat.

EZEKIEL 30:24

Churawhchun, Babulon lalchem kut tla chu ka chaktir lai le, a kut ah ka nâmsâu ka puttir awt. Sikhawmsele Aigupta lalchem bân chu ka khiak lai le, a mêlma tla mâika ah rûm hen a thi lai.

JOEL 2:27

Churawhchun, Israel, Kei, nan sinah ka um mi leh LALPA nan Pathian kasi zia, keimah lo chu midang âukhawm an um lo ti nan theih lai rawh. Ka mi tla chu zauhnawmh hen an um lai lo rawh.

JOHAN 1:1

A tîr ah Thu a um, Thu chu Pathian sinah a um; Thu chu Pathian asi.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

DEUTERONOMY 4:35

LALPA nih amah cho chu Pathian a sizia leh pathian dang rêng a um lo ti theihnâk ding hen hi hi an muhtir na mi asi.

DEUTERONOMY 4:39

Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.