ISAI 45:16 - Bawm Common Language Bible Version

¹⁶ Milem siamtu zawzawng chu ningzak leh mualpho hen an um lai.

ISAI 45:16 ပူးပေါင်းရင်းမြစ်များ

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

ISAI 41:19

Ramkaro ah sidar thing ka khotir lai le, thingri thing tla, bua rimthâw tla leh oliv thing tla ka khotir lai. Ram lâwng lakah tumun ka umtir lai le, far thing tla, junipar thing tla leh far thing chi dang tla ka khotir lai.

ISAI 42:17

Milem ngauhsantu tla leh milem tla ka pathian titu tla chu nâutir hen ningzak saih an si lai,” a ti.

ISAI 44:11

Âuzawng chu sawnhtu chu nâutir hen a um lai. Milem siamtu chu minung ko asi, a zeipi khawm asi lo. Nik ding hen hawng kal na sele, an lâu lai le, ningzak an tuar lai.

ISAI 44:9

Milem tla siamtu zawzawng chu zeikhawm asi lo, pathian tla rangah lâwmman sâng tak an pêk mi khawm zeikhawm asi lo. Chu hâwi milem sawnhtu chu mitchâw leh zeikhawm theihlo mi an si, an ning a zak teh lai.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

JEREMIA 48:13

Churawhchun, Moab mi tla chu Israel mi tla nih Bethel a mi pathian an rinhsanh mi hen anna ṭângziak lo hâwi hen an pathian Kemos hen anna ṭângziak lai lo rawh.