ISAI 45:1 - Bawm Common Language Bible Version

¹ LALPA nih Kirus chu lalchem siding hen a thîm. Phun tla nehtu ding ah a ruat le, lalchem tla thiltikhonâk suh na ding hen a fial le; LALPA nih khuapi kulh kawtkâ chu a rangah a awng piak lai. LALPA nih Kirus sinah,

ISAI 45:1 ပူးပေါင်းရင်းမြစ်များ

1 Lal 19:15

LALPA nih, “Damaska kiangah mi ramkaro ah kîr le, khuapi ah va lût le, Siria lal rangah Hazael sariak va thuh le,

Ezra lasuibu 1:1

Kirus chu Persia lal lianchem a sinâk a kum khatnâk ah LALPA nih Jeremia mang hen thu a sim mi chu a tlung taktê rawh. Kirus nih rîn hen a ram sung mun kip ah kuat hen hâu fakpi a rêl ding hen a thinlung a thawktir.

Ezra lasuibu 1:2

“Hi hi Persia lal lianchem Kirus thupêk asi. LALPA Vân Pathian nih laikulh pumpi lâirêltu ding ah hawng ka siam le, Juda ram ah mi Jerusalem ah Biakin sak ding hen mawhphurhnâk hawng ka pêk.

JOB LASUIBU 12:21

Thiltikho tla chu ningzâk a saih le; lâirêltu chaknâk chu a dawnghtir.

SAM 73:23

Sikhawmsele, na kiangah ka um kumza le, na kut hen na ka tleih ko.

ISAI 13:2

Tlâng karo tlûnah râltuknâk puanzâr thlâi hen a um! Kawrsen tla sinah chun khuapi zûm kulh kawtkâ do ding hen theihtirnâk ding ah nan bân zangh u, ti hen auh na u.

ISAI 13:3

LALPA nih a zumh na mi leh a rinhsanh na mi kawrsen tla chu râltuk thenhlimh do ding leh an lakah a thinthawk mi minung tla rangah rêp na ding hen a kawh na.

ISAI 41:13

Kei, LALPA nan Pathian chu kasi; kan chaktir na le, ṭih lah u! Ka nan ṭangpi na lai, ka nan ti na a ti.”

ISAI 41:2

“Saklei thawk hen nehtu hawng hen, a kalnâk kip ah neh vimatu chu âu me si? Lalchem tla leh phun tla nehnâk âunih me a pêk? A nâmsâu nih valeidip hâwi hen a mân na. A chanhtiang zum tla nih fapawn thli nih a ranh mi hâwi hen a rektir hep na.

ISAI 41:25

“Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 44:28

Kirus sinah, ‘Nang chu lâi hawng ka rêl piaktu na si lai ti ding ka nan duh mi chu na ti lai: Jerusalem sak nawlh ding hen leh Biakin lungphûm tla chu phûm ding hen thu na pêk lai,” a ti.

ISAI 45:5

“Kei, LALPA kasi, âukhawm pathian dang a um lo. Hawng ka theih lah khawm le, chaknâk na herh mi ka nan pêk lai.

ISAI 48:15

A simtu leh a kawhtu chu keimah kasi; ka suakpi le, dingchangnâk ka pêk.

JEREMIA 27:6

Babulon lalchem Nebukadnezar ka to-aw thiltikhonâk tangah phun zawzawng tla siahtu chu kasi le, ramsa tla tiang amah rianṭuantu ah ka siam.

JEREMIA 43:10

Churawhchun, Kei, LALPA Zeizawng tikho, Israel Pathian nih ka to-aw Babulon lalchem Nebukadnezar chu hi mun ah hin ka hawngpi lai le, hi nan phun mi lung tlûnah hin a laltophah a toh lai le, a tlûnah lal puanin a zâr lai.

JEREMIA 50:3

“Mârlei thawk hen a hawng mi phun nih Babulon chu a do lai le, a karo hen a siah lai. Ran leh minung tla an tek phin lai le, âukhawm chunah chun an um lai lo,” a ti.

JEREMIA 50:35

LALPA nih, “Babulon mi tla rangah thihnâk! A mi tla, a lâirêltu tla, a mi fing tla tlûnah thihnâk!

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.

JEREMIA 51:30

Babulon kawrsen tla chu râltuk bâng hen, an kulh ah an um ziar rawh. An râlṭhatnâk a tlâu le, nunau hâwi an si rawh. Khuapi kulh kawtkâ tla a chim le, in tla chu mei nih a khangh rawh.

JEREMIA 51:58

Babulon kulh bir tak tla chu tual ah lawnh hen a um lai le, a insâng kawtkâ tla chu duah hen a um lai. Phun tla rianṭuan zawzawng chu a thâwttham asi lai le, anna ṭangnâk chu meialh ah a vei rawh. Kei, LALPA Zeizawng tikho nih ka sim asi,” a ti.

EZEKIEL 29:20

A kawrsen tla nih ka rangah rian an ka ṭuan piak ruangah, a rianṭuan man ah Aigupta ram chu ka pêk asi. Kei LALPA Zahkâi nih ka sim asi.

DANIAL 5:6

Mawhsareh hen a hawng dâng ver le, a ṭih tuktarâi ruangah a khûp tla â nîn.

DANIAL 7:5

Sarâng panihnâk chu vawm hâwi asi le, a dunglei kê hen a dîr. A hâ karah nâkruh pathum a um, aw-hâu nih a sinah, “Kal le, sa na chelh rî hen ei,” a ti.

DANIAL 8:3

chu tiva kapah chun dawrâ chal ka muh le, chu dawrâ chal nih ki sâu tak panih a nei, pakhat chu pakhat dang ngâk hen a sâu dauh hen a thar dauh.

DANIAL 8:4

Ka zauh ko le, a ki hen thlanglei, marlei leh simlei a suk, zeitin mi ramsa khawm nih a thiltikhonâk lakah mi chu an do kho hen an suak kho lo. A duh duh hen a um le, a lung a khungtir dadauh.

NAHUM 2:6

Tiva kiangah mi kulh kawtkâ tla chu awng hen an râwk; lal in ah chun ningṭihnâk hen a khat rawh.

NAHUM 3:13

Na kawrsen tla chu nunau hâwi hen an um lai le, na ram tla chu na mêlma lakah vêngtu lo hen an um lai, mei nih na kulh kawtkâ renh tla a khangh hep lai.