ISAI 43:9 - Bawm Common Language Bible Version

⁹ Niknâk ah hawng ding hen phun tla kawh na u. An pathian tla lakah a zei mi nih mâilei thu simkanh kho? Tuah thil a hawng tlung mi hi an lakah âunih a simkan? Hi bang pathian tla hi an dik ti theih ding hen anmah theihpitu ah hawng put na seh, an thusim a dik ti birhtir ding hen.

ISAI 43:9 ပူးပေါင်းရင်းမြစ်များ

SAM 50:1

LALPA, Pathian zeizawng tikho nih saklei, thlanglei laikulh zawzawngah mi a kawh na le, thu a sim:

ISAI 34:1

Phun zawzawng lakah mi tla, hawng u! Hawng a pûm ule, ngâi u. Tual leh a tlûnah um mi zawzawng hinah hawng ule, ngâi u.

ISAI 41:1

Pathian nih, “Nannih ram lât tak um mi tla, dâisip hen um ule, ka thu ngâi u! Lâirêlnâk in ah na thunawk tlunh ding hen a tîm le; sim ding hen tik na nei teh lai. Âu a dik ruat ding hen kanna pûm lai.

ISAI 43:26

“Lâirêlnâk in ah kan kal lai le, na phiarnâk thu hawng put! Diknâk ah na um ti theihnâk ding hen na thunawk hawng put!

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 46:10

A bul thawk hen a hawng um nawlh ding mi tla ka simkan le; a lân thawk hen thil a hawng um ding mi khawm ka simkan. Ka thiltum tla chu ka tlawlh lai lo le, ti ding hen thil zeizawng ka tum mi tla chu ka ti nget lai ti ka sim.

ISAI 48:14

“Nan ektê hen a pûm ule, ngâi u! Zei pathian khawm nih Babulon do ding hen ka thîm mi minung chu an simkan kho lo; Ti tir ding hen ka duh mi chu a ti lai.

ISAI 48:3

LALPA nih Israel sinah, “A lân thawk hen thil a hawng um ding mi ka simkan rawh le; churawhchun ka tlungtir sawm rawh.

JOEL 3:11

A nam ule, mawhsareh hen hawng u. Nannih a kiangkam a mi phun zawzawng tla, tivakuam ah hawng a pûm u!’ ” a ti. LALPA, anmah tla do ding hen na kawrsen tla hawng fial na.