ISAI 43:4 - Bawm Common Language Bible Version

⁴ Na nungnâk hum ding hen phun zawzawng ka nâutir lai le, ka lakah na sung ruangah leh ka nan dâwt hen zahkâinâk ka nan pêk ruangah.

ISAI 43:4 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

SAM 112:9

Mi samphâng sinah tam tak a pêk na le, a vêlneihnâk chu a palh dahlo, thiltikho tak leh zahkâi tak hen a um lai.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

ISAI 49:5

Ka suak lânah LALPA nih hawng ka ruat ving rawh; a mi tla kîrpi na ding hen a to-aw ah hawng ka siam le, Israel mi rekrâwi tla kîrpi na ding hen. LALPA nih zahkâinâk hawng ka pêk; anih chu ka chaknâk bulpi asi.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 31:3

Israel mi tla nih din ding an duh thlo liauah lât tak thawk hen an sinah ka langh. Israel mi tla, ka nan dâwt kumza na; churuang chun ka dâwtnâk dawnglo chu nan sinah ka langh kumza lai.

HOSEA 11:1

LALPA nih, “Israel chu ngâksia asi liauah ka dâwt le, Aigupta ram ah mi chu ka fapa rangah ka kawh.

MALAKI 1:2

LALPA nih a mi tla sinah, “Ka nan dâwt kumza na asi,” a ti. Sikhawmsele annih nih an sâng le, “Kan rangah na kan dâwt mi zei hâwi hen na langh?” an ti. LALPA nih a sâng le, “Esau leh Jakob chu unau an si le, sikhawmsele Jakob leh a thlâk tla chu ka dâwt na.

MALAKI 3:17

LALPA Zeizawng tikho nih, “Ka mi tla an si lai, thil ka ti ni ah chun ka tâ tak an si lai, pa nih a rianṭuantu a fapa tlûnah khua a ruat mi hâwi hen an tlûnah khua ka ruat lai.

JOHAN 16:27

Pa ngelchel nih a nan dâwt na; nannih nih kei nan hawng ka dâwt le, Pa thawk hen suak kasi ti nan hawng ka lung ruangah.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

JOHAN 17:26

Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

DEUTERONOMY 26:18

Tusûn ni ah hin LALPA nih amah mi tak ah thu a nan tiamh na mi hâwi hen a nan pawm na rawh; a dân zawzawng zûl ding hen thu a nan pêk na asi.

DEUTERONOMY 4:37

A nan thlâk natu tla a dâwt na ruangah a nan thîm na le, a thiltikhonâk rokual hen amah ngelchel nih Aigupta thawk hen a nan suakpi na.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.