ISAI 43:2 - Bawm Common Language Bible Version

² Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 43:2 ပူးပေါင်းရင်းမြစ်များ

JOB LASUIBU 5:19

Zeiliau zawng ah nganfâknak lakah mi a nan hum lai.

SAM 23:4

Mûi sah tak lakah lan menza khawmsele LALPA, ka sinah na um ruangah ka ṭih lai lo. Na dawrâ vêngnâk ṭhianṭhunh leh vuakfung hen na ka hum.

SAM 32:6

Ṭangpi a herh ni ah na mi zumhkai tla nih thla an cham ding asi le, lawksawngnâk tî lian fâk tak a hawng tlung tikah a phanh na lai lo.

SAM 66:10

Pathian, nik ding hen na kan siah le; mei hen tangkasa an êr mi hâwi hen na kan nik.

SAM 66:12

Ka mêlma na kan lamhbêktir le; mei leh tîlian lakah kan lan, tuah lam chun himnâk ah na kan siah rawh.

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

EXODUS 14:29

Sikhawmsele Israel fa tla lam chu tî vâm hâwi â sawng mi karah tual châr tlûnah kal hen tipi an tan rawh.

EXODUS 3:12

Pathian nih, “Na sinah ka um lai le, Aigupta ram ah mi ka mi tla na hawngpi na tikah chun hi tlângah hin nan ka sawnh lai. Chu chu keimah nih ka nan fial asi ti theihnâk asi lai,” ti hen a sâng.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 30:27

LALPA rokualnâk leh thiltikhonâk chu a râltlâng hen muh kho asi lai. Mei leh a khû nih a thinthawknâk a zauhtir. Thu a sim le a thu nih mei hâwi hen a khangh.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

JEREMIA 42:11

Babulon lalchem chu ṭih lah u rawh. Nan sinah ka um, a thiltikhonâk lakah mi ka nan hum na lai.

JEREMIA 46:28

Nan sinah ka hawng lai le, ruang ka nan suah na lai. Ka nan rekrâwi na nâk phun tla chu ka veih na lai le, nannih chu kan veih na lai loh. Rêp lo hen kan siah na awt lo; sikhawmsele, kan rêp na tikah chun ṭhat ka lawh lai. Kei, LALPA nih ka sim asi,” a ti.

DANIAL 3:23

Chun, Sadrak, Mesak leh Abednego chu mei sungah phuar pang hen an rîl ko.

HAGAI LASUIBU 1:13

Churawhchun, Hagai nih LALPA thuchah chu mi zapi tla a simh na, “Nan sinah ka um lai ti hi ka thutiam asi,” a ti.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

2 TIMOTHE 4:17

Thâwngthâng Ṭha keimah ruangah simh chiau hen a um khonâk ding hen, Phundang tla zawng nih an theih khonâk ding hen, Lalpa nih chun a ka ṭanh le, a ka chaktir lehlam asi; chun chakeibaknei kâ ah mi kha suah hen ka um rawh asi.

2 TIMOTHE 4:22

Lalpa chu na thlarau sinah um seh. Pathian Zângfahnâk nan sinah um seh.

HEBRAI 11:29

Lungnâk hen tual hul lakah kal hâwi hen Tipi Sen kha Israel tla an tan le, Aigupta mi tla nih tan bâk an tum le, tî nih a nîm hep na.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.