ISAI 42:8 - Bawm Common Language Bible Version

⁸ “Keimah cho hi LALPA na Pathian kasi. Pathian dang tla nih ka rokualnâk anna ting ding asi lo; milem tla chu keimah sawrnâk ka tingtir na awtlo.

ISAI 42:8 ပူးပေါင်းရင်းမြစ်များ

SAM 66:2

A min rokual chu sawr ule; chawnglawmhnâk rokual chu pêk u!

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

EXODUS 34:14

“Kei, LALPA nih helnâk ka sâithiam lo ruangah pathian dang rerêng sawnh lah u.

EXODUS 4:5

LALPA nih, “A dik ti theihnâk ding hen Israel fa tla sinah LALPA, an thlâktu tla Pathian, Abraham Pathian Isak leh Jakob Pathian chu na sinah â langh ti theihnâk ding hen hi hi ti rawh,” a ti.

ISAI 43:11

“Keimah cho hi LALPA a nan hum kho natu chu kasi.

ISAI 43:3

Kei chu Israel Pathian thenhlimh, a nan humtu LALPA na Pathian kasi. Aigupta chu a nan suah ding hen ka nâutir lai; Sudan leh Seba khawm ka nâutir lai.

ISAI 48:11

Ka ti mi chu keimah ruang ver asi, ka min chu zauhnawmh ding hen ka siang lai lo, rokualnâk khawm âu rang khawm ka tingtir na ding asi lo, ka tâ chu keimah rang cho asi,” a ti.

ISAI 48:5

Churuangah nan milem tla leh a banghpi siam ding hen an sim mi thu a hawng tlung lânah nanna vêngnâk ding hen a lân thawk hen a hawng um ding mi chu ka simkan ving rawh.

ISAI 48:6

“A lânah thil um ding mi ka sim mi zawzawng kha tu chun a hawng um rawh; ka thu simkan chu a dik asi ti nan theihthiam ding asi rawh. Thil hawng um mi tla a lânah ka langh lo mi thil thar a hawng um ding mi tuah ka nan simh na lai.

JEREMIA 33:2

LALPA, tual siamtu; tuahtu leh a mun ah siahtu nih ka sinah thu a sim. A min LALPA si mi nih chun,

DANIAL 5:4

pathian tla, ngûn, tangka, thîr thing leh lung tla hen siam mi chu an sawr na.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

JOHAN 8:58

Jisu nih an sinah, “Thungâi tak hen ka nan simh na, Abraham suak lânah mi kasi rawh,” a ti.

DEUTERONOMY 28:58

“Pathian sîntirnâk lasuibu lakah a rîn mi zawzawng zumhkâi tak hen nan zûl lo hen leh LALPA nan Pathian min zahkâi leh chê tak nan zah lo chun,