ISAI 42:6 - Bawm Common Language Bible Version

⁶ “Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 42:6 ပူးပေါင်းရင်းမြစ်များ

ISAI 26:3

LALPA, nangmah nih, a nan zumhtu tla leh tumnâk bir tak neitu tla chu thlangamnâk rangtling pêk na.

ISAI 27:3

“Ka vêng le, tî ka tawih kumza. A sûn a zân hen âukhawm nih râwk lo ding hen ka vêng.

ISAI 32:1

Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

ISAI 41:13

Kei, LALPA nan Pathian chu kasi; kan chaktir na le, ṭih lah u! Ka nan ṭangpi na lai, ka nan ti na a ti.”

ISAI 41:2

“Saklei thawk hen nehtu hawng hen, a kalnâk kip ah neh vimatu chu âu me si? Lalchem tla leh phun tla nehnâk âunih me a pêk? A nâmsâu nih valeidip hâwi hen a mân na. A chanhtiang zum tla nih fapawn thli nih a ranh mi hâwi hen a rektir hep na.

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 45:1

LALPA nih Kirus chu lalchem siding hen a thîm. Phun tla nehtu ding ah a ruat le, lalchem tla thiltikhonâk suh na ding hen a fial le; LALPA nih khuapi kulh kawtkâ chu a rangah a awng piak lai. LALPA nih Kirus sinah,

ISAI 45:13

Keimah nih Kirus chu ka thiltum rangtlingtir leh diktir ding hen a thinlung ka thawktir mi asi. A kalnâk lampi ka dingtir lai. Anih nih ka khuapi Jerusalem a sak nawlh lai le, ka mi saltâng tla a suah na lai. Hi ti ding hen âukhawm nih an mang hen an nawh mi asi lo,” a ti. LALPA, Zeizawng tikho nih a sim asi.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

MATHAI 26:28

hi hi ka thisen, sual tla ngaihdamnâk ding ah mi tam tak rangah suak ding mi thutiamnâk chu asi.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 13:47

Chu hâwi hen chun Lalpa nih thu hawng kan pêk asi: ‘Phundang tla chêutirtu ah ka nan ruat kâwlkil tiang hen Ruangsuahtu ah na um khonâk ding hen,’ ti rîn hâwi khan,’ an ti.

THILTI 26:23

Kha hâwi hen Mesia nih hamhnâk a tuar ding leh mithi lakah mi a thawknawlh masa chem ding asi ti mi zawzawng sinah leh Phundang tla sinah khawm chêu muhtirtu asi lai, an ti mi thu kha,” a ti.

2 KORIN 1:20

Pathian thutiam tla chu zeizat tal si khawmsele amah lakah chun, “Asi” ti chu a um le; chun amah ruang khawm ah, “Amen” ti chu a um asi, kanmah tla ruangah Pathian rokualnâk ding hen.

HEBRAI 12:24

Jisu, thudântuk thar siamtu, Abel thisen ngâk hen thisen ṭha dauh thehtu sinah nan hawng tleng rawh.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

HEBRAI 7:2

Abraham nih thil zeizawng parâ lû ah pakhat a pêk. (Melkizedek min umzia pakhatnâk chu “Repnâk Lalchem,” tinâk asi. Chun, a min umzia panihnâk ah chun, Salem lalchem asi ruangah, “Remnâk Lalchem” tinâk khawm asi.)

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

HEBRAI 8:6

Tu ah lam chun thudântuk ṭha dauh thulanhtu asi hâwi vima hen rianṭuannâk ṭha dauh a hawng a ting rawh; chu thudântuk chu thutiam ṭha dauh lakah a birhtir asi.

HEBRAI 9:15

Chun, hi ruangah hin Krist chu thudântuk thar thulanhtu asi, Pathian nih a kawhmi tla chu Pathian nih a tiamh mi zungzâl thudântuk masa tangah buarnâk lakah mi tlanhnâk ding hen Jisu a hawng thi rawh ruangah.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.