ISAI 42:5 - Bawm Common Language Bible Version

⁵ Pathian nih vân tla a siam le, a pharh; tual leh chu lakah um mi tla umdân ding a siam. Mi zawzawng sinah nungnâk leh thaw a pêk na. Tuah LALPA Pathian nih a to-aw sinah thu a sim le,

ISAI 42:5 ပူးပေါင်းရင်းမြစ်များ

GENESIS 1:1

A tîrah Pathian nih laikulh a siam liauah chun,

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

JOB LASUIBU 12:10

A thilsiam nungnâk duh duh hen tikhotu chu Pathian asi le, minung tla nungnâk khawm amah thu thu asi.

JOB LASUIBU 27:3

Pathian nih thaw hawng ka zuah piak sung zawzawng chu,

JOB LASUIBU 33:4

Pathian thlarau nih hawng ka siam hen, nungnâk hawng ka pêk.

JOB LASUIBU 34:14

Pathian nih nungnâk thaw a lâk chun,

SAM 136:6

Tî thûk tak tlûnah tual a siam le, a dâwtnâk chu zungzâl asi.

SAM 33:6

LALPA nih a thupêk hen vân chu a siam le; nî, thlâ leh ârfi tla chu a thu hen a siam.

SAM 96:5

Phundang zawzawng tla pathian chu ruk cho asi, LALPA lam nih chun vân a siam.

ISAI 37:16

“LALPA, Zeizawng tikho, thilnung thla tlûnah totu Pathian chu nangmah cho na si le, nangnih chun laikulh lalram zawzawngah lâi na rêl. Nangnih tual leh vân na siam.

ISAI 40:12

Âunih tisumsumriat kutza kuar hen tah kho lai? Mawh âunih vân khi a kut hen tah kho lai? Âunih hâi lakah tual put kho hen mawh tlâng sâng leh tlâng tla khîng lakah khingh kho lai?

ISAI 40:22

Mi pakhat tual tlûn vândum pîn leiah a laltophah tlûnah to mi nih a siam mi asi, a tanglei ah minung tla chu zauh hen ngerhtê a metê mi tla hâwi an si. Vân chu puanzâr hâwi hen a pharh le, umnâk puanin hâwi hen.

ISAI 40:26

Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

ISAI 40:28

Na theih lo ma? Na nâ nih a theih lo ma? LALPA chu zungzâl Pathian asi; laikulh zawzawng amah tuah mi asi. Anih chu a dî hen a uai dahlo. A thinlung ah a dawn mi khawm âukhawm nih an theih lo.

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

ISAI 45:18

LALPA nih vân tla a siam le, anih chu Pathian asi! Tual a tuah hen a siam le, um kumza ding hen bir tak hen a siam. A karo hen a siam lo, mi le tla umnâk mun ding ah a siam mi asi. “Kei, LALPA kasi, pathian dang a um lo,” titu chu amah asi.

ISAI 48:13

Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

JEREMIA 10:12

LALPA nih tual chu a thiltikhonâk hen a siam le; a finghnâk hen laikulh a siam le, vân tla a pharh.

JEREMIA 27:5

“Ka thiltikhonâk rokual leh ka chaknâk hen laikulh, minung leh ramsa tual tlûnah um mi zawzawng chu ka siam na le; âutal ka thîm na mi chu ka pêk.

JEREMIA 32:17

“LALPA zahkâi, nangnih tual leh vân na thilti rokual leh chaknâk hen na siam le; nang rangah chun thil zeikhawm a har tuk mi a um lo.

JEREMIA 38:16

Churawhchun, lalchem Zedekiah nih a thuptê hen thu hawng ka tiamh, “Pathian nung, nungnâk hawng kan pêktu Pathian min sal hen ka tiam asi, ka nan thah lai lo le, nangmah thah ding duhtu sinah khawm kan pêk lai lo,” a ti.

EZEKIEL 18:4

Mikip nungnâk chu ka tâ asi le, nu leh pa leh fa tla nungnâk khawm keimah kut ah a um. Thilsual titu chu a thi lai.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

AMOS 9:6

LALPA nih vân ah in a sak le, tual tlûnah vândum a siah. Tisumsumriat tî a kawh le, tual tlûnah a thlêt. A min chu LALPA asi.

ZEKARIA 12:1

Hi hi Israel mi tla thu ah LALPA vân siamtu, tual tuahtu leh minung nungnâk pêktu thawk hen thuchah chu asi:

THILTI 17:24

Pathian, laikulh leh a sungah thil zeizawng Siamtu chu tual leh vân Lalpa asi ruangah kut hen sak mi in tla ah a um lo;

THILTI 17:25

thil a samphâng mi hâwi hen minung kut hen rianṭuan piak hen a um dah loh, amah ngelchel chu nungnâk tla, thawsuaknâk leh thil zeizawng pêktu asi.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.