ISAI 42:4 - Bawm Common Language Bible Version

⁴ Lungumnâk leh râlṭhatnâk a tlâu lai lo; tual tlûnah diknâk a birhtir lai. Ram lât tak mi nih a sîntirnâk mawhlah tak hen an ngâk lai,” a ti.

ISAI 42:4 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 22:27

Phun zawzawng nih LALPA chu an theihkumza lai. Laikulh mun kip ah mi chu amah leiah an hawng a hawi lai. Chi kip nih amah an sawnh lai.

ISAI 40:22

Mi pakhat tual tlûn vândum pîn leiah a laltophah tlûnah to mi nih a siam mi asi, a tanglei ah minung tla chu zauh hen ngerhtê a metê mi tla hâwi an si. Vân chu puanzâr hâwi hen a pharh le, umnâk puanin hâwi hen.

ISAI 40:28

Na theih lo ma? Na nâ nih a theih lo ma? LALPA chu zungzâl Pathian asi; laikulh zawzawng amah tuah mi asi. Anih chu a dî hen a uai dahlo. A thinlung ah a dawn mi khawm âukhawm nih an theih lo.

ISAI 41:5

“Ram lât tak ah um mi tla nih ka thilti an muh le, an ṭih le; lâu hen an thir. Churawhchun, an ektê hen anna pûm le, an hawng.

ISAI 42:10

LALPA sinah la thar sak u; laikulh zawzawng nih a sawrnâk la sak u! Tipi dung zawhtu tla, amah chu sawr u: Tipi ah thilsiam zawzawng tla, amah chu sawr u! Ram lât takah um mi tla, la sak u!

ISAI 42:12

Ram lât tak ah um mi tla nih LALPA sinah sawrnâk leh rokualnâk pêk na seh.

ISAI 42:21

LALPA chu hum ding hen duhtu Pathian asi le, a sîntirnâk leh a dân tla chu â putso le, a mi le tla nih an zah ding hen a duh na.

ISAI 49:1

Nannih ram lât takah um mi phun tla, Ka thu ngâi u! Ka suak lânah, LALPA nih a to-aw rangah hawng ka thîm ving rawh.

ISAI 51:4

“Ka mi tla, ka thu ngâi ule, ka sim mi ngâi u: Phun tla rangah sîntirnâk ka pêk na le ka dân tla nih an rangah chêunâk a pêk lai.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 55:5

Tuah ram dangah mi phun tla na kawh na lai le; veikhat ko chun an theih lai lo le, sikhawmsele tuah nangmah sinah a fawnh ding an hawng tek lai! Kei LALPA na Pathian Israel Pathian thenhlimh nih hi bang zawzawng hi ka hawng tlungtir lai le, zahnâk leh rokualnâk ka nan pêk lai,” a ti.

ISAI 60:9

Ram lât tak thawk hen Pathian mi tla in leiah An hawng putnâk lawng tla asi. LALPA Israel Pathian thenhlimh, Phun zawzawng mi tla Zah ding hen siamtu min zahnâk ding hen; Ngûn leh tangka tla an hawng put.

ISAI 66:19

kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

MATHAI 12:21

A min chu Phundang tla nih an umsan lai,” ti hen, a sim mi kha a hawng tlung khonâk ding hen.

MARK 3:3

Chun, anih nih kutkhêng sinah chun, “A lâi ah dîr rawh,” a ti.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

1 KORIN 9:21

Dân nei lo tla ka luh kho na ding hen Dân nei lo tla sinah Dân nei lo hâwi hen ka um tâwn, Pathian Dân lunglo si lêm lo hen, Krist Dân zâwt ṭung hen.