ISAI 42:16 - Bawm Common Language Bible Version

¹⁶ “An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 42:16 ပူးပေါင်းရင်းမြစ်များ

SAM 94:14

LALPA nih a mi tla chu a kaltâk na lai lo le; amah lakah um mi tla chu a karo hen a siah na lai lo.

THUSIMTU 1:15

A ngâwi rawh mi chu dingh kho asi lo; zei thil khawm a um lo mi chu na rêl kho lai lo.

THUSIMTU 7:13

Pathian thilti dawn rawh. Pathian nih a ngawih rawh mi âunih dingh kho lai.

ISAI 26:7

LALPA, mi ṭha rangah lampi chu na tlawrtir le; an khualtlâwngnâk lampi khawm a râwn rawh.

ISAI 29:18

Chu ni a hawng tlung tik chun, mi nasêt tla nih hâu fâk tak hen lasuibu an rêl mi chu an theih kho lai le, mitchâw mûi nâwngah a um mi tla nih an mitdei hen an muh lai.

ISAI 29:24

Mi mâwl nih a theihthiam lai rawh, chipchiar kumza mi tla chu a sîn ding hen anna lâwm lai rawh,” a ti.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

ISAI 32:3

Zapi minung thilherh lakah an nâ a fîm hen an mit a dei lai.

ISAI 35:5

Mitchâw nih a muh kho lai le, nasêt khawm nih a theih lai. rawh.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 40:4

Tiva hawr tla khah ule, tlâng kip rualtir u. Tlâng chu phâi a hawng si lai le, ram siakhâ chu râwn dap hen siam asi lai.

ISAI 41:17

“Ka mi tla nih tî duh hen an hâwl liauah an tîhâl tuk hen an dang a châr ver liauah Kei, LALPA nih an thlachamnâk chu ka sâng lai le; Kei, Israel Pathian nih ka kaltâk na rêng lai loh.

ISAI 41:3

Ṭhâwl hen him tak hen a kal vima a chak tuktarâi le, tual zângrah hen a tawngh.

ISAI 45:2

“Keimah tak nih na lampi chu ka timhtuah lai le, tlâng sâng leh tlâng tla chu rual zat hen ka siam lai. Khua kulh dâr kawtkhâr chu ka râwk lai le, thîr tluan tla chu ka khiak lai.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 48:17

Israel Pathian thenhlimh nangmah a nan humtu LALPA nih thu a sim: “Kei hi LALPA nan Pathian, nanmah ṭhatnâk ding ah an sîntir na duhtu leh nan kalnâk ding lampi ah an kaltir natu kasi.

ISAI 52:12

Tu lam chu nam bû hen nan suak lai lo rawh le; suak ding hen khawm nanna ṭang lai lo rawh. LALPA nan Pathian nih a nan rui na lai le thil zeizawng ah a nan hum na lai.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 58:10

mi sungvâng rangah buh na pêk hen a herh mi rangah na khimtir na chun, na kiangkam ah mi mûi tla chu nî sûn chir liau mi chêu ah a hawng a chang lai.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

EZEKIEL 14:23

churawhchun thil zeizawng ka ti mi chu a san ṭha tak a um ti na theih lai,” a ti. LALPA Zahkâi nih a sim asi.

HOSEA 2:14

Churuangah, ramkaro ah ka kalpi nawlh na lai le, chunahchun dâwtnâk thu hen amah chu ka neh lai rawh.

HOSEA 2:6

Churuangah a lampi kham ding hen bualingnei hen dâi ka sak lai le, kulh dâi ka siam awt.

AMOS 5:8

LALPA nih ârfi tla, Firuk leh Lîkûk chân thum tla a siam na. Mûi chu sûn ah a changtir le, sûn chu zân ah a changtir. Tipi mi tî tla chu a kawh na le, tual tlûnah a thlêt. A min chu LALPA asi.

LUK 3:5

Hawr kip silh asi ver lai le, tlâng leh mual kip niamh asi lai. Lampi ngâwi tla a hawng ding lai le, Chun lam rual lo tla a rual lai.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

JOSUA 3:4

A lânah hi mun hi nan riak dah lonâk asi ruangah nan kalnâk ding lampi an simh na lai. Sikhawmsele Thudântuk Bâwm chu naih tuk lah ule, dunglei kângah kilometer khat ding lâtnâk ah nan um ding asi,” an ti.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.