ISAI 41:8 - Bawm Common Language Bible Version

⁸ “Sikhawmsele, nannih Israel ka to-aw tla, ka hâwipa Abraham thlâk ka nan thîm na mi nan si.

ISAI 41:8 ပူးပေါင်းရင်းမြစ်များ

2 CHRONICLES 20:7

Nang chu kan Pathian na si. Na mi Israel tla hi ram ah na hawng ṭhial na liauah hi ram ah um mi minung tla chu na nar na le, na hâwipa Abraham thlâk tla rangah ram chu na tâ si kumza ding hen na pêk na.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

SAM 136:21

An ram tla chu a mi le a pêk na; a dâwtnâk chu zungzâl asi.

SAM 136:22

A to-aw Israel tla rangah a pêk na; a dâwtnâk chu zungzâl asi.

SAM 33:12

LALPA a Pathian si mi phun chu a lâwptlo; amah tâ ding ah thîm mi tla chu a lâwptlo.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 29:22

Churuangah tuah LALPA Israel Pathian, lawksawng liauah Abraham rangah ruangsuahtu nih, “Ka mi tla, nan ningzak kumza lai lo rawh, ningzak ruangah nan mêl â dang kumza lai lo rawh.

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 42:19

Ka to-aw ngâk hen mitchâw khun mi leh ka mifial ngâk hen a nâsêt dauh mi an um maw aw?

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 44:21

LALPA nih, “Israel, hi hi theihkumza rawh; ka to-aw na si ti theihkumza rawh. Ka to-aw ah ka nan siam mi na si le; ka nan philh dah lai lo.

ISAI 45:4

Ka to-aw Israel, ka mi thîm tla ṭangpi ding hen ka nan ruat. Hawng ka theih lah khawm le, zahkâinâk rokual tak ka nan pêk.

ISAI 48:12

LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

ISAI 49:3

Ka sinah, “Israel, ka to-aw na si; nangmah ruangah mi nih an ka sawr lai,” hawng ka ti.

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

ISAI 63:16

Nang chu kan pa na si. Hawng kan thlâktu Abraham leh Jakob nih hawng kan theihpi lo le, sikhawmsele LALPA nang chu kan pa, ruang hawng kan suah kumzatu na si.

JEREMIA 33:24

“Israel leh Juda dâwngsungkhur panih ka thîm na mi ka nawng ti hen mi nih an sim mi na theih ma? Churuang chun mi nih ka mi tla chu an zauhnawmh hen phun khawm ah an rêl na lo.

LEVITICUS 25:42

Israel mi tla chu LALPA sal an si, Aigupta ram thawk hen a suakpi na mi an si; sal ah anna zuar ding asi lo.

MALAKI 1:2

LALPA nih a mi tla sinah, “Ka nan dâwt kumza na asi,” a ti. Sikhawmsele annih nih an sâng le, “Kan rangah na kan dâwt mi zei hâwi hen na langh?” an ti. LALPA nih a sâng le, “Esau leh Jakob chu unau an si le, sikhawmsele Jakob leh a thlâk tla chu ka dâwt na.

MATHAI 3:9

‘Abraham hawng kan thlâktu asi lo mazei?’ ti hen a sung-û tir lah u; Pathian nih hi bang lung tla hi Abraham thlâk tla ah a changtir kho, ka nan ti na hi.

GALATIA 3:19

Asi lo leh, Dân chu zei ti zia hen um mi me asi ne? Abraham chi thlâk thutiamnâk chu a hawng kal lânlo chu buarnâk tla ruangah sap hen a um le, vânmifial tla mang hen rêl kut ah birhtir asi.

DEUTERONOMY 10:15

Sikhawmsele LALPA nih nan thlâktu tla a dâwt zia chu thungâi a fâk le, phundang tla ngâk hen an thîm dauh na le, nannih chu a mi thîm tla nan si.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

JEM 2:23

Pathian lasui thu nih, “Abraham nih chun Pathian a lung le, chu a lungnâk ruangah Pathian nih mirep ah a ruat,” ti mi kha a dik asi. Abraham chu Pathian hawipa ah siam hen a um asi.