ISAI 41:4 - Bawm Common Language Bible Version

⁴ Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

ISAI 41:4 ပူးပေါင်းရင်းမြစ်များ

SAM 102:27

Nang lam chu na mun kumza le, na san khawm dawng kho mi asi lo.

SAM 102:28

Kan fa tla chu himnâk ah an um lai le, nangmah zauhkhenhnâk tangah an thlâk tla chu an um lai.

ISAI 40:12

Âunih tisumsumriat kutza kuar hen tah kho lai? Mawh âunih vân khi a kut hen tah kho lai? Âunih hâi lakah tual put kho hen mawh tlâng sâng leh tlâng tla khîng lakah khingh kho lai?

ISAI 40:26

Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

ISAI 41:20

Mi tla nih chu chu kei, LALPA nih ka ti mi asi ti an muh hen an theih lai. Israel Pathian Thenhlimh nih a ti taktê rawh ti hen theihthiamnâk an nei lai rawh,” a ti.

ISAI 41:26

Nan dik ngâk kan ti kho na ding hen a hawng tlung ding mi hi nan lakah âunih sim kho? Âukhawm nih zei thu khawm nan sim lo, nan sim mi theihtu khawm âukhawm an um lo!

ISAI 41:3

Ṭhâwl hen him tak hen a kal vima a chak tuktarâi le, tual zângrah hen a tawngh.

ISAI 42:24

Âunih me Israel chu râwktu tla sinah a pêk? Amah tlûnah thilsual kan ti mi LALPA tak asi! Um ding hawng kan duh mi dân hâwi hen kan um lo le, sîntirnâk hawng kan pêk mi khawm kan zûl lo.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 43:13

Kei chu Pathian kasi le, kasi kumza lai. Ka thiltikhonâk lakah mi âukhawm an suak kho lai lo; thil ka ti rawh mi chu âukhawm nih an dangtir kho lai lo,” a ti.

ISAI 46:10

A bul thawk hen a hawng um nawlh ding mi tla ka simkan le; a lân thawk hen thil a hawng um ding mi khawm ka simkan. Ka thiltum tla chu ka tlawlh lai lo le, ti ding hen thil zeizawng ka tum mi tla chu ka ti nget lai ti ka sim.

ISAI 48:12

LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

THILTI 15:18

Laikulh siam tîr thawk hen hi bang thu theihtir tâwntu Lalpa nih chun a ti,’ ti rîn hi.

THILTI 17:26

Chun, tual tlûn zawzawngah um ding hen phûr munkhat ver hen phun kip minung a siam le, an rangah tik a ruat le, an umnâk ding rî khawm a siam le,

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:17

Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 22:13

Kei Alpha leh Omega, a masa chem leh a madung chem, a bul leh a dawng kasi,’’ a ti.