ISAI 41:29 - Bawm Common Language Bible Version

²⁹ Hi bang pathian zawzawng tla hi mang tlâk an si lo; zei thil khawm an ti kho lo, hi bang milem tla hi an chak lo hen thiltikhonâk khawm an nei lo.

ISAI 41:29 ပူးပေါင်းရင်းမြစ်များ

SAM 96:5

Phundang zawzawng tla pathian chu ruk cho asi, LALPA lam nih chun vân a siam.

ISAI 17:8

Anmah kut hen an siam mi leh anmah kutsuak pathiannu Aserah lem leh rimthâw duahnâk mâichâm an rinhsanh lai lo rawh.

ISAI 2:8

An ram chu milem hen a khat le, anmah kut ngelchel hen an siam mi thil tla chu an sawnh.

ISAI 37:19

thing leh lung hen an kut hen an siam mi pathian lem tla chu a duah piak ti khawm kan theih.

ISAI 41:24

Nanmah leh thil nan ti mi zawzawng zeikhawm asi lo; a nan sawnh natu khawm fihnung an kâi.

ISAI 46:7

An liangah an thâng le, an put; a mun ah an siah le, chunah chun an dîrtir, A umnâk mun ah mi khawm â ṭhial kho lo. Mi nih a sinah thla an cham khawmsele, a sâng na hen siatnâk lakah mi a hum kho na lo.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 5:13

Khuavâng tla khawm zeikhawm an si lo, thli bâwm leh LALPA thawk hen thuchah an nei lo an ti. LALPA Pathian Zeizawng tikho nih ka sinah, “Jeremia, mi zapi tla nih kha bang hâwi thu an sim ruangah ka thu chu na kâ ah mei hâwi hen ka siam lai. Zapi tla chu thing hâwi an si lai le, mei nih a khangh hep na lai,” a ti.

HABAKUK 2:18

Milem hi zei rangah mang asi? Minung nih thil zeimawh an siam mi cho asi le, âwkrâwl cho lo chu zeikhawm an simh loh. Hawlh kho lo mi pathian nih a siamtu rangah zei thil ṭha me zumhkâi ding hen a ti piak?

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

LÂIRÊL 18:17

Chu zauh thlingthlâktu panga chu in ah an va kal phêt le, tangka hen tuam mi thing milem leh milem dang tla leh ephod chu bâwlpu kulh kawtkâ kiangah kawrsen zaruk sinah a um karah chun an lâk rawh.

1 SAMUEL 12:21

Pathian diklo tla zûl lah u; an ṭangpi hen an hum kho na ding asi lo, a tak an silo ruangah.