ISAI 41:27 - Bawm Common Language Bible Version

²⁷ Kei, LALPA, Zion sinah thâwngthâng sim masachemtu ding chu kasi; Jerusalem ah thusim ding hen mi ka fial le, ‘Na mi tla an hawng! In leiah an hawng tlung!’ ti ding hen;

ISAI 41:27 ပူးပေါင်းရင်းမြစ်များ

ISAI 40:9

Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 41:4

Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 44:28

Kirus sinah, ‘Nang chu lâi hawng ka rêl piaktu na si lai ti ding ka nan duh mi chu na ti lai: Jerusalem sak nawlh ding hen leh Biakin lungphûm tla chu phûm ding hen thu na pêk lai,” a ti.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

ISAI 48:12

LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

ISAI 48:3

LALPA nih Israel sinah, “A lân thawk hen thil a hawng um ding mi ka simkan rawh le; churawhchun ka tlungtir sawm rawh.

ISAI 52:7

Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

NAHUM 1:15

Zauhnik, tlâng tlûnah mifial thâwngthâng ṭha tak sim ding hen a hawng! Nehnâk thu sim hen lampi ah a hawng liau asi, Juda mi tla, nan kût ni siam ule, Pathian sinah nan thutiam bir tak hen siam u. Misual nih nan ram an rûn lai lo rawh, neh an si hep rawh!

ROM 10:15

Fial an si lo chun zeitin thu an sim lai? “Thâwngthâng Ṭha simtu tla hawng kal chu a chê a!” ti hen Pathian lasui thu nih a sim hâwi khan.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.