ISAI 41:25 - Bawm Common Language Bible Version

²⁵ “Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

ISAI 41:25 ပူးပေါင်းရင်းမြစ်များ

2 SAMUEL 22:43

Ka dêng na le, vûisadip hâwi an hawng si. Khua lâiah valei nêng hâwi hen ka lamh na.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 41:2

“Saklei thawk hen nehtu hawng hen, a kalnâk kip ah neh vimatu chu âu me si? Lalchem tla leh phun tla nehnâk âunih me a pêk? A nâmsâu nih valeidip hâwi hen a mân na. A chanhtiang zum tla nih fapawn thli nih a ranh mi hâwi hen a rektir hep na.

ISAI 44:28

Kirus sinah, ‘Nang chu lâi hawng ka rêl piaktu na si lai ti ding ka nan duh mi chu na ti lai: Jerusalem sak nawlh ding hen leh Biakin lungphûm tla chu phûm ding hen thu na pêk lai,” a ti.

ISAI 45:1

LALPA nih Kirus chu lalchem siding hen a thîm. Phun tla nehtu ding ah a ruat le, lalchem tla thiltikhonâk suh na ding hen a fial le; LALPA nih khuapi kulh kawtkâ chu a rangah a awng piak lai. LALPA nih Kirus sinah,

ISAI 45:13

Keimah nih Kirus chu ka thiltum rangtlingtir leh diktir ding hen a thinlung ka thawktir mi asi. A kalnâk lampi ka dingtir lai. Anih nih ka khuapi Jerusalem a sak nawlh lai le, ka mi saltâng tla a suah na lai. Hi ti ding hen âukhawm nih an mang hen an nawh mi asi lo,” a ti. LALPA, Zeizawng tikho nih a sim asi.

JEREMIA 1:14

Anih nih ka sinah, “Marlei ah mi phun zawzawng hawng ding hen ka kawh na awt ruangah,

JEREMIA 50:3

“Mârlei thawk hen a hawng mi phun nih Babulon chu a do lai le, a karo hen a siah lai. Ran leh minung tla an tek phin lai le, âukhawm chunah chun an um lai lo,” a ti.

MIKAH 7:10

Chu chu kan mêlma tla nih an muh lai le, “LALPA nan Pathian chu zei ah?” ti hen hawng kan nihsanhtu tla chu an ningzak lai rawh. Tualmâi ah nêngthû hâwi hen lamhbêk hen neh an si mi chu kan muh na lai.

ZEKARIA 10:5

Juda mi tla chu râltuknâk ah nehtu kawrsen tla nih khualâi nêngthû lakah an mêlma tla lamhbêktu hâwi an si lai. LALPA chu an sinah a um ruangah an mêlma rang tlûnah a chuan mi tla khawm an neh na lai.

THUPHUANG 16:12

Chun, vânmifial paruknâk nih chun a berhbu chu Eufretis tipi ah a thlêt le, chun, saklei thawk hen lal hawng kal ding mi tla rangah lampi a um khonâk ding hen tî chu a kang rawh.