ISAI 41:20 - Bawm Common Language Bible Version

²⁰ Mi tla nih chu chu kei, LALPA nih ka ti mi asi ti an muh hen an theih lai. Israel Pathian Thenhlimh nih a ti taktê rawh ti hen theihthiamnâk an nei lai rawh,” a ti.

ISAI 41:20 ပူးပေါင်းရင်းမြစ်များ

JOB LASUIBU 12:9

Pathian kut hen siam an si zia an theih hep.

SAM 109:27

Nang chu ruang na ka suahtu na si zia ka mêlma tla rangah theihtir na.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

ISAI 28:29

Chubang finghnâk zawzawng chu LALPA Zeizawng tikho thawk hen mi asi. Pathian thiltum chu finghnâk asi le, anna dingchang kumza asi.

ISAI 29:24

Mi mâwl nih a theihthiam lai rawh, chipchiar kumza mi tla chu a sîn ding hen anna lâwm lai rawh,” a ti.

ISAI 40:5

Churawhchun, LALPA rokualnâk a hawng lang lai le, mi zawzawng nih an muh lai. LALPA amah tak nih hi hi a tiamh mi asi,” a ti.

ISAI 41:4

Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

ISAI 43:15

Kei LALPA nan Pathian Thenhlimh kasi. Israel, an siam natu nan lalchem kasi,” a ti.

ISAI 43:21

Keimah rang ding ê hen ka siam na mi an si le, keimah sawrnâk la an sak lai,” a ti.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 66:14

Hi bang tlung mi nan muh tikah nanna lâwm lai le, chak tak leh nungdam hen an umtir na lai. Churawhchun, kei, LALPA nih ka thu ngâitu chu ka ṭangpi na le, ka mêlma tla lakah ka thinthawknâk ka langh ti nan theih lai,” a ti.

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

NUMBER 23:23

Israel phun do ding hen dâwi Leh mitleh dâwi mang kho mi a um lo. Tuah Israel tla thu ah zapi tla nih, ‘Pathian nih a ti mi chu zauhnik u!’ an ti lai.