ISAI 41:18 - Bawm Common Language Bible Version

¹⁸ Tlâng karo lakah tiva ka luangtir lai le, a vakuam tla ah chun tinungva ka luangtir lai. Ramkaro chu tili ah ka changtir lai le, ram châr lakah tinungva ka luangtir lai.

ISAI 41:18 ပူးပေါင်းရင်းမြစ်များ

SAM 104:10

Tinungva chu hawr ah na luangtir le, tiva tla chu tlâng leh tlâng karah na luangtir.

SAM 105:41

Lungpi chu â awng le, tî a hawng suak. ramkaro mun ah tiva hâwi hen a luang.

SAM 107:35

Ramkaro chu tili ah a changtir le, tual chârnâk ah tî nung a luangtir.

SAM 126:4

LALPA, kan ram leiah hawng kan kîrtir nawlh rawh; ruah nih tî tlâ a umnâk ah a kalpi mi hâwi hen.

SAM 46:4

Chungnungchem, in thenhlimh, Pathian khuapi leiah lâwmnâk tlungtirtu tiva a um.

ISAI 12:3

A tîhâl mi tla rangah tî thenhlimh nih lawmhnâk a pêk mi hâwi hen, Pathian nih a mi tla ruang a suah na liauah anna lâwm,” ti hen.

ISAI 30:25

Nan mêlma kulh tla nan lâk ni ah leh an mi tla nan thah ni ah chun, tinungva chu tlâng kip leh mual kip thawk hen a hawng luang lai.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 33:21

LALPA nih a rokualnâk hawng kan zauhtir lai. Tivapi tla leh tivatê kapah kan um lai le, sikhawmsele mêlma meilawng nih an zawh lai lo.

ISAI 35:1

Ramkaro chu â lâwm lai le, chawmpâr tla chu Ramkaro ah an ên lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 48:21

LALPA nih a mi tla, ram lîn leh ramkaro ah a kalpi na liauah tîhâl hen an um lo. Lungpi thawk hen an rangah tî a suaktir le; lungpi a kaktir le, tî a hawng luang.

ISAI 58:11

Ka nan rui kumza lai le, thil ṭha tla hen ka nan khimtir lai. Chak tak leh nung dam hen ka nan kilkâwi lai. Dûm tî tam tak nei mi, tinung va kang dahlo mi hâwi na si lai.

ISAI 65:13

Churuang chun hawng ka sawnhtu leh ka thu ngâitu tla nih chun ei ding tam tak an tawng lai le, sikhawmsele nannih lam chu sungvâng leh tîhâl hen nan um lai ti ka nan simh na. Annih chu anna lâwm lai le, sikhawmsele nannih lam chu nan ning a zak lai.

JOEL 3:18

Chu tikah chun tlâng sâng tla chu grep zûn nih a khuh lai le, tlâng kip ah ranrual tla muh asi lai. Juda ram zawzawngah tî tam tak a um lai. Tiva chu LALPA Biakin thawk hen a hawng luang lai le, Akasia tivakuam tla ah a luang lai.

ZEKARIA 14:8

Chu ni a hawng tlung tikah chun, tî thar chu Jerusalem thawk hen a hawng luang lai le, a khingkhuai chu Tipi Thi ah a luang lai le, a khingkhuai dang chu Mediteranian ah a luang lai. A fûr a ṭhâl hen zeiliau zawng ah a luang kumza lai.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.

LÂIRÊL 15:19

Churawhchun, Pathian nih Lehi mun ah mi tual chu a kaktir le, tî a hawng suak rawh. Samson nih a din rawh chun a hawng a panh rawh. Chu tinung va min chu, Hakor ti asi; tu khawm ah Lehi mun ah a um ko rih.