ISAI 41:16 - Bawm Common Language Bible Version

¹⁶ Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 41:16 ပူးပေါင်းရင်းမြစ်များ

SAM 1:4

Misual tla lam chu chu hâwi an si lo; Fabû thli nih a ranh phin mi hâwi an si.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 28:5

LALPA Zeizawng tikho chu chawmpâr lallukhuh rokual tak hâwi hen a mi le tla thibang rangah a hawng kalnâk ni chu a nâi rawh.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 40:24

Thil keuh phun hen ram a thlâk mi hâwi asi. LALPA nih thli a hawng lêngtir le, An châr le, fapawn hâwi hen thli nih a sêm phin.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

ISAI 60:19

“Sûn ah Nî chu na rangah chêu asi lai lo rawh, Zân khawm ah thlâpa chu na rangah chêu asi lai lo rawh; Kei, LALPA chu na zungzâl chêu kasi lai le, Ka rokualnâk chêu chu na tlûnah a chêu lai.

ISAI 65:18

Ka thilsiam lakah a lâwm ule, lâwptlo u. Jerusalem ka siam mi chu lâwmnâk hen a khat lai le, a mi tla khawm anna lâwm lai.

JEREMIA 15:7

Ram sungah khuapi kip ah fapawn hâwi hen thli lakah ka nan lawnh na. Ka mi tla, nan thilsual ti nan bâng duh lo ruangah ka nan veih na le, nan fa tla ka thah na.

JEREMIA 51:2

Thli nih fapawn a ranh phin mi hâwi hen ramdang minung Babulon veih ding hen ka fial awt. Siatnâk ni a hawng tlung tik chun a ker kip thawk hen an hawng do lai le, ram chu a karo hen mâk asi lai.

JEREMIA 51:20

LALPA nih, “Babulon mi tla, râltuknâk ah ka tukboh leh ka râlthuam nan si. Phun tla leh lalram tla râwktu ah ka nan mang.

JEREMIA 51:33

Sâwtlotê ah mêlma tla nih an thah na lai le, fâng chîlnâk mun ah fâng an chîl mi hâwi hen an lamhbêk na lai. Kei, LALPA Zeizawng tikho Israel Pathian nih ka sim asi,” a ti.

DANIAL 2:35

thîr leh valei, dâr, tangkasa, ngûn tla chu a mân le, ṭhalpini ah fâng zâpnâk mun ah mi vûisadip hâwi hen an um hep, thli nih a sêm phin, sikhawmsele chu lung chu a hawng lian le, tual pumpi a luah hep.

HOSEA 11:9

Ka thinthawknâk hen kan rêp na lai lo; Israel chu ka veih lai lo rawh. Minung silo hen Pathian kasi dangâiah. Kei, mi thenhlimh chu nan sinah ka um. Thinrun bû hen nan sinah ka hawng lai lo.

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

HABAKUK 3:18

dawrâ rual tla thi hep hen, ran siahnâk lâwng tleng khawmsele, ka lâwm hen lâwptlo tak hen ka um kumza lai.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.