ISAI 41:15 - Bawm Common Language Bible Version

¹⁵ Fâng khâwngnâk thingphel, a kilhnâk thar siak hâr tak hâwi hen ka nan siam lai. Tlâng tla na chîl lai le, na râwk lai; tlâng tênâu tla chu phildip hâwi hen na nektir dip lai.

ISAI 41:15 ပူးပေါင်းရင်းမြစ်များ

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

ZEKARIA 4:7

Na mâika ah tlâng lian hâwi hen khamtu chu a tlâu lai. Biakin na sak nawlh lai le, a lungphûm madung chem na phûm liauah mi tla nih, ‘Â dawh a! Â dawh a!’ ” ti hen an âu lai.

HABAKUK 3:12

Na thinrun bû hen tual chu na kanh le, na thinthawknâk hen phun tla na chîltir na.

ISAI 21:10

Ka mi Israel tla, fâng hâwi hen khâwng hen nan um le, sikhawmsele tuah thâwng ṭha tak nan sinah ka hawng sim asi, chu chu LALPA Zeizawng tikho Israel Pathian thawk hen mi asi.

ISAI 28:27

Dill chî leh kumin chî thlawngh ding hen talhbo rit an mang dahlo; a vuaknâk fung tâwk cho a zâng mi an mang dauh.

SAM 18:42

Valeidip hâwi siding hen ka lamh dip na, chu chu thli nih a sêm phin. Khua lâi ah nêngthû hâwi hen ka chîl na.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 42:15

Tlâng tênâu leh tlâng sâng tla ka veih lai le, thing leh belh tla ka chârtir lai. Tivakuam tla chu ramkaro ah ka changtir lai, tili mi tî tla ka kangtir lai.

ISAI 64:1

Zei rangah vân chu na thlêk zek hen na hawng ṭum lo? Tlâng sâng tla nih an muh lai le, lâu hen anna nîn lai.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

JEREMIA 51:20

LALPA nih, “Babulon mi tla, râltuknâk ah ka tukboh leh ka râlthuam nan si. Phun tla leh lalram tla râwktu ah ka nan mang.

JEREMIA 51:33

Sâwtlotê ah mêlma tla nih an thah na lai le, fâng chîlnâk mun ah fâng an chîl mi hâwi hen an lamhbêk na lai. Kei, LALPA Zeizawng tikho Israel Pathian nih ka sim asi,” a ti.

EZEKIEL 33:28

Ram chu a karo hen râwk dep hen ka siam lai le, thiltikho tak hen anna zûmnâk tla chu a dawng lai rawh. Israel tlâng tla chu mâng hen a um lai le, âukhawm mi velvâ an um lai lo.

DANIAL 2:35

thîr leh valei, dâr, tangkasa, ngûn tla chu a mân le, ṭhalpini ah fâng zâpnâk mun ah mi vûisadip hâwi hen an um hep, thli nih a sêm phin, sikhawmsele chu lung chu a hawng lian le, tual pumpi a luah hep.

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

JOSUA 17:18

Tlângram chu nan tâ asi lai rawh. Chu lo khawm ah zachang mun a um, chubang tla chu khatlei thawk hen khatlei dawng tiang siam ule, a ting u. Kanaan mi tla chu thîr kari nei hen chak khawmsele nar hep na u,” a ti na.

LÂIRÊL 6:16

LALPA nih a sâng le, “Ka nan ṭangpi awt ruangah na ti kho lai. Minung pakhattek, awldek na ti mi hâwi hen Midian tla chu na neh na lai,” a ti.

JOB LASUIBU 41:30

A paw lakah a ṭek chu bêl kuai hâwi asi le, a ṭek chu nêng lakah fâng chîlnâk khâwl hâwi asi.