ISAI 41:14 - Bawm Common Language Bible Version

¹⁴ LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 41:14 ပူးပေါင်းရင်းမြစ်များ

JOB LASUIBU 19:25

Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

JOB LASUIBU 25:6

Chu hâwi asi chun minung, tholung leh vâkrit cho chu zei me asi lai? Pathian mitmuh ah minung hi zei me a ṭhatvaknâk um?

SAM 19:14

Ka thu leh ka dawn mi tla hi na rangah pawm tlâk si seh. LALPA, ka kulhpi leh hawng ka tlanhtu!

SAM 22:6

Khawmsele, kei chu minung kasi lo rawh, changchêl kasi, mikip zauhnawmh leh nihsanh hen ka um!

SAM 46:5

Chu khuapi ah chun Pathian a um le, zeiliau khawm â râwk dah lai loh; khuadei bâiah a ṭangpitu a hawng tlung lai.

SAM 78:35

Pathian chu anmah humtu asi mi leh zeizawng tikho chu anmah ṭangpitu asi ti an theih rawh.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 37:4

Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 43:14

Israel Pathian Thenhlimh, a nan hum natu LALPA nih, “Ruang a nan suah na ding hen Babulon ah kawrsen ka hawng fial lai. Khuapi kulh kawtkâ tla ka chimtir lai le, a minung tla âunâk tla chu ṭapnâk ah â chang lai.

ISAI 43:3

Kei chu Israel Pathian thenhlimh, a nan humtu LALPA na Pathian kasi. Aigupta chu a nan suah ding hen ka nâutir lai; Sudan leh Seba khawm ka nâutir lai.

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 47:4

Israel Pathian Thenhlimh nih hawng kan suah le, a min chu LALPA Zeizawng tikho asi.

ISAI 48:17

Israel Pathian thenhlimh nangmah a nan humtu LALPA nih thu a sim: “Kei hi LALPA nan Pathian, nanmah ṭhatnâk ding ah an sîntir na duhtu leh nan kalnâk ding lampi ah an kaltir natu kasi.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 54:8

Sâwtlotê cho ka thinthawk ruangah ka nan hertâk le, sikhawmsele ka nan dâwtnâk ka nan muhtir kumza lai rawh,” a ti. Churuangah LALPA a nan humtu nih a sim asi.

ISAI 59:20

LALPA nih a mi tla sinah, “Sualnâk kaltâktu zawzawng vêng na ding leh ruang an suah na ding hen Jerusalem ah ka hawng awt.

ISAI 60:16

Nu nih a fa a zauhkhenh mi hâwi hen, Phun tla leh lalchem tla nih a nan zauhkhenh lai. Kei, LALPA nih ka nan hum mi leh Israel Pathian chak nih ka nan suah asi ti na theih lai rawh.

ISAI 63:16

Nang chu kan pa na si. Hawng kan thlâktu Abraham leh Jakob nih hawng kan theihpi lo le, sikhawmsele LALPA nang chu kan pa, ruang hawng kan suah kumzatu na si.

JEREMIA 46:27

“Ka mi tla, ṭih lah u, Israel mi tla lâu lah u. Ram lât tak sal nan tângnâk ah mi thawk hen ruang ka nan suah na lai. In leiah nan hawng kîr lai le, thlangam tak hen nan um lai. Him tak hen nan um lai le, âukhawm nih a nan lâuh na lai lo.

JEREMIA 50:34

Sikhawmsele, anmah tla ruangsuahtu chu a chak asi, a min chu LALPA Zeizawng tikhotu asi. Amah nih an tuar ding mi chu tuar hen tual ah thlangamnâk a tlungtir lai le, sikhawmsele Babulon mi tla rang chun lawksawngnâk asi lai,” a ti.

LUNGFÂKNÂK 3:57

Na ka sâng le, ṭih lo ding hen na ka simh.

DANIAL 10:12

Churawhchun, anih nih “Danial, ṭih lah, Pathian nih theih ding duh hen nâu tak hen a ni khat ni ah thla na cham mi kha Pathian nih a theih le, na thlachamnâk sâng ding hen hawng mi kasi.

HOSEA 11:9

Ka thinthawknâk hen kan rêp na lai lo; Israel chu ka veih lai lo rawh. Minung silo hen Pathian kasi dangâiah. Kei, mi thenhlimh chu nan sinah ka um. Thinrun bû hen nan sinah ka hawng lai lo.

MATHAI 7:14

Nungnâk ah kalnâk kawtkâ chu a bî le, a lam khawm a tawr le, a tawngtu tla khawm tâwmtê an si.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

DEUTERONOMY 7:7

“LALPA nih phundang ngâk hen nan tam ruangah an dâwt na hen an thîm na mi asi lo; tual tlûnah phun mêchem nan si.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

JOSUA 17:18

Tlângram chu nan tâ asi lai rawh. Chu lo khawm ah zachang mun a um, chubang tla chu khatlei thawk hen khatlei dawng tiang siam ule, a ting u. Kanaan mi tla chu thîr kari nei hen chak khawmsele nar hep na u,” a ti na.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.