ISAI 41:11 - Bawm Common Language Bible Version

¹¹ “Nan lakah thinruntu tla nih neh ruangah ningzaknâk an theih lai. An do natu chu an thi lai le,

ISAI 41:11 ပူးပေါင်းရင်းမြစ်များ

EXODUS 11:8

Mosi nih, “Na rianṭuantu tla zawng ka sinah an hawng lai le, ka mâika ah an kûn lai, ka mi tla zawzawng put hen kal ving ding hen an ka ngiar lai. Chu tikah ka kal lai rawh,” a ti. Churawhchun, thinthawk bû hen Mosi nih lalchem chu a kaltâk rawh.

EXODUS 12:29

Zân lâi chir chun LALPA nih Aigupta fapa tîr zawzawng chu a thah hep na. Lalchem fapa a laltophah luahtu ding thawk hen rêngin sungah mi rêngtlâ fapa; ran lakah fa tîr zawzawng khawm thah hep an si.

EXODUS 23:22

Sikhawmsele, a thu nan ngâi hen thu ka pêk mi zawzawng nan zûl chun, nan mêlma zawzawng keimah nih ka do lai.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 29:7

churawhchun, phun kawrsen tla Pathian mâichâm umnâk khuapi dotu tla chu an râlthuam leh an thuamthil zeizawng zân ah mi mang leh thil dawn tla hâwi hen a vei lai.

ISAI 29:8

Jerusalem do ding hen phun zawzawng hawng a pûm mi tla chu, mi sungvâng nih a mang ah buh a ei le, a hawng a ṭhang le, a sung a vâng nget mi hâwi leh mi a tîhâl hen a thi awt mi nih a mang leiah tî a din le, a hawng a ṭhang le, a rawm a hul hiam mi hâwi asi lai.

ISAI 34:12

Ram lakah lâirêltu ding lalchem khawm a um lai lo rawh, ruitu zawzawng tla khawm an vei hep lai rawh.

ISAI 40:17

Phun tla khawm a sinah zeikhawm an si lo.

ISAI 40:2

Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

ISAI 41:24

Nanmah leh thil nan ti mi zawzawng zeikhawm asi lo; a nan sawnh natu khawm fihnung an kâi.

ISAI 41:29

Hi bang pathian zawzawng tla hi mang tlâk an si lo; zei thil khawm an ti kho lo, hi bang milem tla hi an chak lo hen thiltikhonâk khawm an nei lo.

ISAI 45:24

“Keimah thawk hen cho nehnâk leh chaknâk tawng ding asi mi leh hawng ka huatu zawzawng nih ningzaknâk an tuar ding mi an sim lai.

ISAI 49:25

LALPA nih, “Chubang tla chu a hawng um ding rêng asi. Kawrsen nih an tleih mi tla chu suh ving asi lai le misual tla nih thil an lâk mi tla chu tleih piak asi lai. Nangmah an dotu chu ka do lai le, na fa tla chu ka hum na lai.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 54:15

Âutal nih a nan do chun, keimah thu lo hen dotu asi; Âuzawng a nan dotu chu an tlû lai.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

JEREMIA 12:17

Sikhawmsele, zei phun zawng zûl duhlotu an si chun ka phâwi zek lai le, ka veih na awt. Kei, LALPA nih ka sim asi,” a ti.

JEREMIA 2:3

Israel, keimah tâ cho na si; keimah neih thenhlimh na si. Nangmah nganfâk an pêktu tlûn kip ah tuarnâk leh siatnâk ka tlungtir. Kei, LALPA nih ka sim mi asi,” a ti.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

ZEKARIA 12:3

Chu tik a hawng tlung tikah chun Jerusalem chu lung rit tak hâwi hen ka siam lai le, zei phun zawng nih châwi ding tumtu chu nganfâk an tawng lai. Jerusalem do ding hen laikulh phun zawzawng thu anna rual lai.

THILTI 16:39

Chun, an va kal le, ngaihdam an deih na le, an suah na le, khua thawk hen kal ving ding hen an ngiar na.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.