ISAI 41:10 - Bawm Common Language Bible Version

¹⁰ Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:10 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 31:5

An sinah, “Nan pa chu ka lakah a lungsilo zia ka theih le; sikhawmsele ka pa Pathian chu ka sinah a um.

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

2 SAMUEL 22:19

Lawksawng hen ka um liauah an hawng ka hual le, sikhawmsele LALPA nih hawng ka vêng.

1 CHRONICLES 12:18

An lakah a nehnûnah “Sâwmthum” hotu lakah um mi pakhat Amasai chu Pathian thlarau nih a hawng luah le, “Jese fapa David, na tâ kan si! Nangmah sinah Pathian a um mi an ṭangpitu nih dingchangnâk an pêk seh!” ti hen a âu. David nih annih chu a lawmh na le, a kawrsen lakah hotu ah a siam na.

2 CHRONICLES 20:17

Râltuknâk hi nannih nih do lo hen nan um mun ah ngâk ko u. LALPA nih nehnâk an pêk na ding mi chu nan muh lai. Nannih Jerusalem leh Juda ah mi minung tla, dâwk lah ule, ṭih lah u. Râltuk ding hen kal ule, nan sinah LALPA a um lai!” a ti.

2 CHRONICLES 32:8

Annih chu minung thiltikhonâk an nei le, kannih lam chu LALPA kan Pathian nih râl kan do ding mi hawng kan ṭangpi ding hen kan nei,” a ti. Zapi minung tla chu an lalchem thusim ruangah râlṭhatnâk an nei.

SAM 144:11

Ka mêlma sual tak tla lakah mi hawng ka hum le, ramdang mi thudik sim dah lotu leh âwkrâwl hen siatsirhtu thiltikhonâk lakah mi hawng ka hum rawh.

SAM 144:8

Ramdang minung thudik sim dah lotu leh âwkrâwl hen siatsirhtu thiltikhonâk lakah mi hawng ka hum.

SAM 145:14

Mi lawksawng tla a ṭangpi na le, a tlû mi tla chu a thawh na.

SAM 147:12

Jerusalem, LALPA chu sawr rawh! Zion, na Pathian chu sawr rawh!

SAM 18:36

Tleih hen ka um khawm ah nangnih na ka hum le, ka tlû dahlo.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 33:12

LALPA a Pathian si mi phun chu a lâwptlo; amah tâ ding ah thîm mi tla chu a lâwptlo.

SAM 37:17

LALPA nih misual tla chaknâk chu a lawnh ving awt ruangah leh mi ṭha tla chu a hum na awt ruangah.

SAM 37:24

Tlû khawmsele, an tlû pawt lai loh, LALPA nih a ṭangpi na awt ruangah.

SAM 41:12

Thil dik ka ti ruangah na ka ṭangpi lai le, na mâika ah chun na ka kil kumza lai.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

SAM 63:8

Na bân ah ka âwk le, na kut hen him tak hen na ka kil.

SAM 65:5

Nehnâk pêk hen na kan sâng le, ruang hawng kan suah ding hen thilchê na ti. Laikulh mi zawzawng leh tipi varâl lei mi nih an lung.

SAM 99:4

Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

EXODUS 20:20

Mosi nih a sâng na le, “ṭih lah u; Pathian nih amah nan ṭih ding hen an nik na ding hen a hawng mi asi, chu tikah thilsual nan ti lonâk ding hen,” a ti.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 37:6

hi sângnâk thu hi a thanh: “Anih nih an hum na kho lai loh ti hen Asiria nih an ṭhih na mi thu ah lâu lo ding hen LALPA nih an simh na.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 44:2

Kei, LALPA a nan siamtu chu kasi; na suak liau thawk hen ka nan ṭangpi. Nang chu ka to-aw, ka mi thîm ka dâwt mi na si; ṭih lah.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 50:9

LALPA zahkâi nih hawng ka vêng mi lakah âunih ka mawh ti langhtir kho? Rulchawn nih puan a ei mi hâwi hen hawng ka phiartu tla zawzawng chu an vei lai.

ISAI 52:7

Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

ISAI 60:19

“Sûn ah Nî chu na rangah chêu asi lai lo rawh, Zân khawm ah thlâpa chu na rangah chêu asi lai lo rawh; Kei, LALPA chu na zungzâl chêu kasi lai le, Ka rokualnâk chêu chu na tlûnah a chêu lai.

LUNGFÂKNÂK 3:57

Na ka sâng le, ṭih lo ding hen na ka simh.

DANIAL 10:12

Churawhchun, anih nih “Danial, ṭih lah, Pathian nih theih ding duh hen nâu tak hen a ni khat ni ah thla na cham mi kha Pathian nih a theih le, na thlachamnâk sâng ding hen hawng mi kasi.

DANIAL 6:16

Churawhchun, lal nih Danial chu tleih hen chakeibaknei pûk ah lawnh ding hen thu a pêk rawh. Lal nih Danial sinah, “Na Pathian, zumhkâi tak hen a rian na ṭuan mi nih a nan hum seh,” a ti.

HOSEA 1:9

LALPA nih Hosea sinah, “Israel mi tla chu ka mi tla an si awtlo ruangah leh an Pathian kasi awtlo rawh ruangah ‘’Lo-ammia’’ (Ka mi tla an silo) ti hen min sak,” a ti.

HAGAI LASUIBU 1:13

Churawhchun, Hagai nih LALPA thuchah chu mi zapi tla a simh na, “Nan sinah ka um lai ti hi ka thutiam asi,” a ti.

HAGAI LASUIBU 2:5

Aigupta ram thawk hen nan hawng suak liau khawm ah nan sinah um ding hen thu ka tiam asi. Nan sinah ka um kumza nget rih, ningṭih lah u.

ZEKARIA 10:12

Ka mi tla chu chak tak hen ka siam lai le; keimah an ka sawnh hen ka thu an ngâi lai rawh,” a ti. LALPA nih a sim mi asi.

ZEKARIA 10:6

“Juda mi tla chu chak tak hen ka siam lai le, Israel mi tla chu ruang ka suah na lai. Anmah ka lungkham na lai le, in leiah ka kîrpi ver nawlh na lai. Ka nawng dah na lo mi hâwi hen an um lai. Kei LALPA an Pathian kasi lai le, an thlachamnâk tla ka sâng na lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

LUK 1:13

Sikhawmsele, vânmifial nih chun a sinah, “Zekaria, ṭih lah, Pathian nih na deih mi kha a theih asi, na nupi Elizabet nih fapa a nan ring piak lai, a min ah Johan na sak ding asi.

LUK 1:30

Chun, vânmifial nih chun a sinah, “Mari, ṭih lah; Pathian sunhsaknâk na tawng.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

2 KORIN 12:9

Chun, anih nih chun ka sinah, “Ka zângfahnâk na rangah â tâwk; ka thiltikhonâk hi chaklonâk ah asi rangtlingtir hen a um mi chu,” a ti rawh. Chun, Krist thiltikhonâk chu ka tlûnah a um khonâk ding hen lâwm tak hen ka chaklonâk tla hi ka putso dauh lai.

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

PHILIPI 4:13

Krist hawng ka chaktirtu ah chun zeizawng ka ti kho asi.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

LÂIRÊL 6:16

LALPA nih a sâng le, “Ka nan ṭangpi awt ruangah na ti kho lai. Minung pakhattek, awldek na ti mi hâwi hen Midian tla chu na neh na lai,” a ti.