ISAI 40:9 - Bawm Common Language Bible Version

⁹ Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 40:9 ပူးပေါင်းရင်းမြစ်များ

2 CHRONICLES 13:4

Kawrsen tla chu Epfraim tlâng ram ah anna tawng le, Abijah chu Zemaraim tlângah a kâi le, Jeroboam leh Israel tla rangah a auh na: “Ka thu ngâi u!

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 35:2

Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

ISAI 41:27

Kei, LALPA, Zion sinah thâwngthâng sim masachemtu ding chu kasi; Jerusalem ah thusim ding hen mi ka fial le, ‘Na mi tla an hawng! In leiah an hawng tlung!’ ti ding hen;

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 52:6

Tik a hawng tlung ding mi lakah Pathian kasi ti ka sim mi chu nan theih lai,” a ti.

ISAI 58:4

Nan buh ngeinâk nih a nan râwk na le, nanna êl le, nanna sual. Hi bang hâwi buh ngei hen thlachamnâk lakah hin an ngâi piak na ding hen nan ka ruat ma?

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

JEREMIA 22:20

Jerusalem mi tla, Lebanon ah kal ule, âu u, Basan ram ah kal ule, ṭap u; nan murui tla neh hen an um ruangah Moab tlâng thawk hen âu u.

JEREMIA 29:11

Nan rangah ka thiltum tla siat leh râwknâk um lo hen sul-le-lam tluang tak hen kalpi kan tum na mi leh mâilei ah nan lungum mi thu lakah an kalpi na ding ka tum mi thu chu keimah cho nih ka theih.

NAHUM 1:15

Zauhnik, tlâng tlûnah mifial thâwngthâng ṭha tak sim ding hen a hawng! Nehnâk thu sim hen lampi ah a hawng liau asi, Juda mi tla, nan kût ni siam ule, Pathian sinah nan thutiam bir tak hen siam u. Misual nih nan ram an rûn lai lo rawh, neh an si hep rawh!

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

THILTI 2:14

Sikhawmsele, Peter chu leikhat tla hen an dîr dut le, anih nih chun hâu fâk tak hen an sinah a sim: “Nannih Judai ram ah mi tla, nannih Jerusalem ah um mi zawzawng tla, hi bang hi theih u, ka thu khawm ngâi u.

THILTI 4:13

Chun, Peter leh Johan râlṭhat zia an muh hen lasui thiamlo mi leh mi narân an si ti an theih hen thungâi chê an ti. Jisu sinah an um ti an theih rawh.

THILTI 4:29

Chun, tuah, Lalpa, hawng kan ṭhih zia tla hi ngâinik, na to-aw tla hi râlṭha tak hen na thu simtir le,

ROM 10:18

Sikhawmsele, ka deih le: Thu an theih lo mi hi a dik tak ma? Theih ta a, Pathian lasui thu nih a sim hâwi khan: “An hâu chu ram kip ah a thang le, an thu kâwlkil tiang hen a thang rawh,” ti hen.

EPHESI 6:19

Thâwngthâng Ṭha thuthup râlṭha tak a phuang ding hen, ka kâ ka âng hen thu simtir a ka um khonâk ding hen ka rangah khawm hawng ka deih piak u.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

LÂIRÊL 9:7

Chu thu chu Jotham nih a theih le, Gerizim tlâng tlûnah a kal le, a va dîr le, a auh na, “Nannih Sekem mi tla, ka thu ngâi ule, Pathian nih nannih thu khawm ngâi seh!