ISAI 40:7 - Bawm Common Language Bible Version

⁷ LALPA nih anmah sêm ding hen thli a hawng lêngtir le, belh chu a uai le, chawmpâr chu a chuai. Minung tla khawm belh ngâk hen an tlo lêm lo.

ISAI 40:7 ပူးပေါင်းရင်းမြစ်များ

JOB LASUIBU 14:2

Chawmpâr hâwi hen kan uai sawm le; kan tlâu ving.

JOB LASUIBU 4:9

Pathian nih a thinthawknâk thlipi hâwi mi hen a veih na.

JOB LASUIBU 41:21

A thawsuah lakah mei a alh le, a kâ mi meialh a hawng suak.

SAM 102:4

Belh a châr mi hâwi hen vuak dep hen ka um le; ka buh duhnâk khawm a tlâu ving.

SAM 103:15

Kannih rang chun, kan nungnâk chu belh hâwi cho asi. Mâng chawmpâr hâwi hen kan kho hen kan ṭhang;

SAM 103:16

thli nih a sêm le, a vei ving- âukhawm nih an muh nawlh lo rawh.

SAM 90:5

Tîlian hâwi hen na kan put ving le; mang tluk khawm hen kan sâwt lo.

SAM 90:6

Zînglei ah belh a thawk lup le, a pâr, zânlei chun a thi le, a châr hiam mi hâwi hen kan si.

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 37:27

Chunah mi zapi um tla chu thiltikholo hen an um le; an lâu le, an â thlo. Phâisen ah mi belh hâwi mawh, in tlûnah mi belh saklei mi thli lum mawh uai tep hen a sêm na mi hâwi an si.

ISAI 40:24

Thil keuh phun hen ram a thlâk mi hâwi asi. LALPA nih thli a hawng lêngtir le, An châr le, fapawn hâwi hen thli nih a sêm phin.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

HAGAI LASUIBU 1:9

“Tamtak zûn ding nan lungum le, sikhawmsele tâwmtê cho nan tawng. Nan ât mi chu in ah nan tlunh rawh chun keimah nih ka sêm ving. Chu chu zei rangah ka ti? Ka Biakin râwk dep hen a um liauah mikip mah in leiah an rianṭuan ah anna nawk ver ruangah asi.

JEM 1:10

chun, unau minei chu Lalpa nih a niamh tikah a lâwm seh. Minei chu belhpâr hâwi hen a vei awt ruangah.

JEM 1:11

Nî chu a suak le, a linhnâk nih chun chawmpâr chu a uaitir le, a pâr chu a tlawng le, a dawhnâk chu a vei rawh; chu hâwi ber hen minei chu a rianṭuan ah a vei lai.