ISAI 40:31 - Bawm Common Language Bible Version

³¹ Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

ISAI 40:31 ပူးပေါင်းရင်းမြစ်များ

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

SAM 103:5

Ka nungnâk chu thil ṭha hen a khattir le, mupi hâwi hen ka tlangvâl hen ka chak khonâk ding hen.

SAM 123:2

LALPA, kan Pathian, to-aw nih a pu a ngauhsan hâwi hen leh to-awnu nih a pi a ngauhsan hâwi hen, kan lakah khua na ruat lânlo chu nangmah lei kan hawng hawi kumza lai.

SAM 138:3

Ka nan auh liauah na ka sâng le, na chaknâk hen na ka chaktir.

SAM 20:9

LALPA, lal chu nehnâk pêk le, ka nan kawh tikah hawng kan sâng rawh.

SAM 25:21

Nangmah lakah ngauh mi kasi ruangah ka ṭhatnâk leh zumhkâinâk nih hawng ka hum seh.

SAM 25:3

Nangmah zumhtu tla tlûnah chun nehnâk na tlungtir lo, sikhawmsele, nangmah lakah heltu tla sin cho a tlung.

SAM 25:5

Na thudik ziatê hen um ding hen hawng ka sîntir le, ka Pathian, hawng ka humtu na si ruangah kanan zumh kumza lai.

SAM 37:34

LALPA lakah lungum le, a thupêk tla zûl rawh; ram an pêk mi hen thangṭhat an lawhtir lai, chun misual tla nar an si mi na muh lai.

SAM 40:1

Felfê tak hen LALPA ṭangpinâk chu ka ngâi le; ka âu mi a theih.

SAM 84:7

An kal liau chun an chak dadauh le, Pathian tla Pathian chu Zion ah an muh lai.

SAM 84:8

LALPA Pathian, Zeizawng tikho, ka thlachamnâk theih rawh. Jakob Pathian! ngâi rawh.

SAM 92:1

LALPA, na sinah lâwmthusim leh Chungnungchem Pathian nangmah chawnglawmhnâk la sak chu a ṭha a!

SAM 92:13

LALPA in ah thing phun mi hâwi mi Pathian Biakin ah châwm mi hâwi an si,

EXODUS 19:4

“Kei, LALPA nih Aigupta mi tla lakah ka thilti zia leh mupi tla nih a thla tlûnah a fa tla a put hâwi hen hinah ka sinah kan put na mi tla na muh.

THUFING LASUIBU 30:19

Vân leiah mupi zuangnâk, lungpi tlûnah rûl lâwnnâk, Tisumsumriat ah meilawng kalnâk, nunau leh mipa anna duhnâk.

LA TLA LA 8:5

Âu me si ramkaro thawk hen a dâwttu hen kutsih bû hen an hawng mi khi. Nunau nih Apple thing tangah na suaknâk mun ah kan nan ṭhangh.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 41:1

Pathian nih, “Nannih ram lât tak um mi tla, dâisip hen um ule, ka thu ngâi u! Lâirêlnâk in ah na thunawk tlunh ding hen a tîm le; sim ding hen tik na nei teh lai. Âu a dik ruat ding hen kanna pûm lai.

ISAI 64:4

A lakah an lungumnâk siahtu tla rangah chubang hâwi thil titu nangmah hâwi mi Pathian khawm nih an muh hen an theih lo.

ISAI 8:17

LALPA chu a mi tla lakah mi â thup le, sikhawmsele amah chu ka zumh hen a sinah lungumnâk ka siah.

JEREMIA 48:15

Moab leh a khuapi tla chu râwk hen a um rawh; a tlangvâl ṭha chem tla khawm thah hen an um rawh. Kei lalchem, LALPA Zeizawng tikho nih ka sim asi.

ZEKARIA 10:12

Ka mi tla chu chak tak hen ka siam lai le; keimah an ka sawnh hen ka thu an ngâi lai rawh,” a ti. LALPA nih a sim mi asi.

LUK 18:1

Chun, lungdawng lo hen thla an cham kumza ding asi ti theihnâk ding hen ṭhiruai tla sinah tahṭhimh thu a sim:

ROM 8:25

Kan muh lo mi kan lungum asi chun kan ngâk rarâm tâwn asi.

2 KORIN 4:1

Churuangah chun zângfahnâk kan tawng hâwi vima hen rianṭuannâk hi kan nei ruangah kan duai lo;

2 KORIN 4:16

Churuang chun kan duai lo le, kan lênglei minung hi hawng rawp dadauh khawmsele kan sunglei minung chu nisiar siamthar vima hen a um dauh asi.

GALATIA 6:9

Chun, thil ṭha ti neng lo ding; kanna dâithlanh lo chun a tikah kan ât awt ruangah.

DEUTERONOMY 32:11

Mupî nih a fa tla zuang ding a sîntir na le, a thla a pharh mi tlûnah him tak hen a tleih thlir na mi hâwi hen, Israel tla chu an tlû ding mi lakah LALPA nih a kilkâwi na.

DEUTERONOMY 33:25

A khua chu thîr kulh kawtkâ hen hum hen um sele, Him tak hen um kumza seh,”a ti.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

HEBRAI 12:3

Nanna dâithlanh hen nan lungdawng lonâk ding hen Jisu chu misual amah huatu tla lakah â dawnhkho zia chu ruat u.

JOSUA 14:11

Mosi nih hawng ka fial liau mi hâwi tluk hen tu khawm ah ka chak nget rih. Râl tuk ding leh zei thil tal ti ding hen ka chak tâwk rerêng rih.

THUPHUANG 12:14

Chun, nunau chu kum thum leh a sêu zauhkhenh ding hen leh rûlpi lakah a him khonâk ding hen, a mun ramkaro leiah zuang ding hen mupi thla panih an pêk.

THUPHUANG 2:3

felfênâk na nei ber le, ka min ruangah na tuar rawh le, na zuai lêm lo.

THUPHUANG 4:7

Thilnung pakhatnâk chu chakeibaknei hâwi asi. Thilnung panihnâk chu chawpê hâwi asi. Thilnung pathumnâk chu minung hâwi asi. Thilnung palinâk chu mupi zuang liau hâwi asi.

LÂIRÊL 16:28

Churawhchun, Samson nih thla a cham le, “LALPA zahkâi, zângfahtê hen hawng ka theihkumza rawh; Pathian, zângfahtê hen chaknâk veikhat tal hawng ka pêk nawlh, ka mit khiang khinih an ka chawih piak mi ruangrûl ah Philistia mi tla hi tutan veikhat ka vuak kho na bâk ding hen,” a ti.